,,არ გადადგე!” – სტუდენტების ნაწილი რექტორს მიმართავს

,,არ გადადგე!” – ასეთი შეძახილები ისმოდა ამ წუთებში ,,აუდიტორია #115-ის” სტუდენტების მხრიდან. ლევან ლორთქიფანიძე:

,,პასუხისმგებლობა ეკისრება მთელს აკადემიურ საბჭოს, სენატსა და ყველა მმართველ ორგანოს. ჩვენი მოთხოვნაა, რომ უნივერსიტეტი დატოვონ პროვოკატორებმა, რათა მშვიდად განვაგრძოთ ბრძოლა უნივერსიტეტის ავტონომიისათვის. ყველას უთხარით, რომ ჩვენს მხარდასაჭერას მოვიდნენ. ამ წუთებში მაღლივიდან მოემართება სტუდენტების ნაკადი ჩვენს მხარდასაჭერად. აგრეთვე, გვეხმარებიან გორის უნივერსიტეტის სტუდენტები და რამდენიმე მათგანს ,,აუდიტორია #115-ის” სტუდენტებისთვის ვაშლი ჩამოაქვს.”

როგორც ცნობილია, რექტორს თვითმმართველობამ 1-საათიანი ვადა მისცა, თუ არ გადადგება, ისინი შიმშილობას იწყებენ. ნატალია ჯალაღონია