,,აუდიტორია #115″ განცხადებას აქვეყნებს

1) განათლების სამინისტროს აუდიტის დასკვნის მიხედვით, აშკარად იკვეთება თსუ-ის აკადემიური საბჭოს პასუხისმგებლობის საკითხი. საბჭომ კანონის უხეში დარღვევით წარადგინა მეორე კანდიდატი, გიორგი გაფრინდაშცილი, კანცლერის პოსტზე. უნივერსიტეტის სტრუქტურა ვალდებული იყო ხელახლა გამოეცხადებინა კონკურსი ადმინისტრაციის ხელმძღვანელის პოსტის დასაკავებლად.
აქედან გამომდინარე, ჩვენ კიდევ ერთხელ ვაყენებთ დღის წესრიგში აკადემიური საბჭოს პასუხისმგებლობისა და დაშლის საკითხს. ჩვენ სრულად ვუჭერთ მხარს უნივერსიტეტის მართვის სისტემის რადიკალურ რეფორმირებას.

2) სტუდენტური პროტესტის დღეებში თვითმმართველობის წარმომადგენლებმა ჩვენ წინააღმდეგ არაეთიკური და ძალადობრივი მეთოდები გამოიყენეს. ამასთანავე, ისინი ამ დრომდე რჩებიან პრივილეგირებული სისტემის ნაწილად და უარს ამობობენ თავიანთი ელიტარული მდგომარეობის დათმობაზე.
თვითმმართველობის სისტემის ძირეული ცვლილების განხორციელებამდე, ჩვენ აღნიშნულ ორგანოს არალეგიტიმურად მივიჩნევთ, არ განვიხილავთ მხარედ და უარს ვამობთ მათთან თანამშრომლობაზე.

3) აუდიტორია #115 კონკრეტული ინიციატივების დამუშავებისა და მომზადების მიზნით ქმნის ოთხ ძირითად სამუშაო ჯგუფს. ჯგუფებში შემუშავებულ წინადადებებს საბოლოოდ აუდიტორიის საერთო კრება დაამტკიცებს.

აუდიტორია #115 აგრძელებს ყოველდღიურ სამუშაო პროცესს, შემდეგი შეხვედრა გაიმართება 26 მარტს, 18:00 საათზე,”- წერია განცხადებაში.

ნატალია ჯალაღონია