1989 წლის 9 აპრილს თბილისში მომხდარი ტრაგედიის შედეგად დაღუპულთა ხსოვნისპატივსაცემად კიევში, პარკ „Відрадний“-ში ხეები დარგეს. ამავე პარკში იგეგმება საქართველო-უკრაინის მეგობრობის ხეივნის გაიხსნა.
ღონისძიებაში მონაწილეობდნენ საქართველოს საგანგებო და სრულუფლებიანი ელჩი უკრაინაში,მიხეილ უკლება, ქ. კიევის სოლომიანსკის რაიონის სახელმწიფო ადმინისტრაციის თავმჯდომარე,მაქსიმ შკურო და ქართული დიასპორის წარმომადგენლები.
დამსწრე საზოგადოებას სიტყვით მიმართა საქართველოს ელჩმა, მიხეილ უკლებამ, რომელმაც ისაუბრა 1989 წლის 9 აპრილს განვითარებული მოვლენებისა და დაღუპული გმირების შესახებ.
აქციაში ასევე მონაწილეობდნენ ქ. კიევის სოლომიანსკის რაიონის სკოლების მოსწავლეები, რომელთაც სანთლები დაანთეს და ყვავილებით შეამკეს დარგული ხეები.
