ქართველი მანდილოსნები ოდითგანვე გამოირჩეოდნენ ხელსაქმის ცოდნით. კერვა, ქარგვა, ქსოვა ეს ის მცირედი ჩამონათვალია, რომელიც თითოულს ქალს უნდა სცოდნოდა. ამაზე მეტყველებს ისიც, რომ რომ მსოფლიოს 10 უმნიშვნელოვანეს აღმოჩენათა შორის გვხვდება ჭიათურის რაიონის სოფელ ხალიფაურის ტერიტორიაზე აღმოჩნელი ხელით დამუშავებული უძველესი ქსოვილი. ალბათ სწორედ ამით აიხსნება ხელნაკეთი ნივთებისადმი განსაკუთრებული სიყვარული.
თუ გადავხედავთ დღევანდელობას, კვლავ აქტუალურია ხელით მოქსოვილი დიდი მოსაცმელები, შარფები და სხვადასხვა ხელნაკეთი აქსესუარები.
„თბილისი თაიმსი“ გაგაცნობთ ორ ადამიანს, დედა-შვილს თეა კუპატაძეს და ანა გოცაძეს რომლებიც ერთ საქმეს ემსახურებიან. ისინი ხელსაქმით დიდი ხანია დაინტერესნენ, მათ მრავალი საინტერესო, ტექნიკურად რთული, განსხვავებული და ლამაზი ნაკეთობები დაუგროვდათ.
თუ როგორ დაიწყეს ხელსაქმის შესწავლა, რა იყო მთავარი მოტივაცია, ვინ ინტერესდება მათი დამზადებული ნივთებით და რა გეგმები აქვთ სამომავლოდ ინტერვიუდან შიტყობთ. ჩვენ შვილს, ანა გოცაძეს ვესაუბრეთ.
როდის და რატომ დაინტერესდით დიზაინერობით, საიდან წამოვიდა ხელსაქმის სურვილი, თვითნასწავლი ხართ?
– ამ პროფესიით საკმაოდ პატარა ასაკშაი დავინტერედი. ყოველთვის მომწონდა, როდესაც ვუყურებდი როგორ ქმნიდა დედა ამა თუ იმ ნამუშევარს დიდი სიყვარულითა და გულმოდგინებით და ასაკის მატებასთან ერთად, ხელსაქმისადმი ჩემი ინტერესიც იზრდებოდა. შეიძლება ითქვას, ჩემი მასწავლებელი დედაჩემია, თუმცა თავადაც თვითნასწავლია. ჩემი ცოდნის უდიდესი ნაწილი სწორედ მისი დამსახურებაა.
თქვენი ნამუშევრები ხელითაა შემნილი, რამდენად რთული და შრომატევადია თითოეული ნივთის შექმნა იმის ფონზე, რომ მხოლოდ თქვენ და დედა მუშაობთ მასზე?
– თითოეული ნამუშევარი ძალიან დიდ დროსა და დაკვირვებას მოითხოვს. მაგალითად მოვიყვან მაკრამეს ნამუშევარს, რომელიც ძალზედ რთული შესასრულებელია, განსაკუთრებით მაშინ როცა მარტო აკეთებ მას. მიმაჩნია, რომ როდესაც გიყვარს ის საქმე, რასაც აკეთებ დაბრკოლება და სირთულეები არ გაშინებს.
გაქვთ თუ არა შეკვეთები, რამდენად გიცნობთ საზოგადოება?
– შეკვეთები მაქვს, თუმცა, სამწუხაროდ, იქიდან გამომდინარე, რომ ფართო საზოგადოება არ მიცნობს დაბალია მოთხოვნა იმასთან შედარებით რისი მიწოდებაც მე შემიძლია.
თუ არის შემოსავლიანი თქვენი საქმე და ფასები როგორია?
– ჩვენს დროში, ხელნაკეთ ნივთებს საკმაოდ აფასებენ, შემოსავლიანი საქმეცაა, თუმცა, სანამ ცნობილი გახდები შეკვეთებიც ნაკლებადაა. ამ ეტაპზე მაქსიმალურად ვცდილობ ჩემი ხელსაქმე, იმის კეთება რაც სიამოვნებას მანიჭებს, შემოსავლის წყაროდ ვაქციო
ვინ არიან თქვენი ძირითადი მომხმარებლები და ინტერესდებიან თუ არა უცხოელები?
– ძირითადი მომხმარებლების საკმაოდ ვიწრო წრე მყავს. იყო შემთხვევები, როდესაც რამდენიმე უცხოელი გამომეხმაურა ჩემს ფეისბუქის გვერდზე. ვმუშაობ საკუთარი თავის პოპულარიზაციასა და ცნობადობაზე ეს კი, რა თქმა უნდა, პირდაპირპროპორციულად აისახება მოთხოვნაზე.
თითოეული ნივთი გამოირჩევა ინდივიდუალურობით, რა არის თქვენი შთაგონების წყარო?
– იდეა, თუ რა უნდა გავაკეთო მოდის თავისთავად, ყოველგვარი შთაგონების გარეშე. ამა თუ, იმ მასალის ნახვის შემდეგ ზუსტად ვიცი როგორი უნდა იყოს მისი საბოლოო სახე. ხშირად, უშუალოდ მუშაობის პროცესშიც ხდება იმპროვიზაცია. მიმაჩნია, რომ იმპოვიზაციის უნარი სწორედ ის უნარია, რომელიც ყველა ხელოვანისთვის აუცილებელი და მნიშვნელოვანია.
გაქვთ თუ არა რაიმე ნივთი, რაც თქვენთვის განსაკუთრებულია და ვერასოდეს გაყიდით?
– ყველა ის ნივთი, რომელსაც ვაკეთებ ჩემთვის განსაკუთრებით საყვარელია. თუმცა არსებობს ნივთები, რომლებსაც ვერასოდეს გავყიდი. მაგალითად: 
როდესაც ჩემი შვილისთვის ვქმნი ტანსაცმელს ამ დროს ყოველთვის წარმოვიდგენ, როგორ აცვია, წარმოვიდგენ ყველა დეტალს, სწორედ ამიტომ ვთვლი, რომ სპეციალურად ჩემთვის ძვირფასი ადამიანებისათვის დამზადებულ ნივთებს ვერასოდეს გავყიდი.
აპირებთ თუ არა ფართო ასპარეზზე გასვლას, გვითხარით სამომავლო გეგმების შესახებ?
– საკმაოდ დიდი გეგმები მაქვს. დიდი სურვილი მაქვს ფართო ასპარეზზე გავიტანო ჩემი ნამუშევრები. შევქმენი ჩემი ბრენდი და იმედი მაქვს უახლოეს მომავალში საზოგადოება უკეთ გამიცნობს მეც და ჩემს შემოქმედებასაც.
მარიამ ფანჩულიძე
