“თბილისის მერს არანაირი პასუხი არ ჰქონდა, კონკრეტული პასუხი არ გააჩნდა ჩემ მიერ დასმულ შეკითხვებზე, რომლებიც შშმ პირთა რესოციალიზაციას, დასაქმებას, მათ დისკრიმინაციას და ასევე ქალაქის მოწყობასთან დაკავშირებით. პასუხები ისეთივე არაკომპეტენტური და გაუაზრებელი იყო, როგორიც მისი საქმეები ამ კუთხით,“ – ამის შესახებ „თბილისი თაიმსს“ არასამთავრობო ორგანიზაცია „სოციალური საწარმო განსაკუთრებული ჟურნალის“ თავმჯდომარემ, ნუგზარ ჭიაბერაშვილმა განუცხადა.
ჭიაბერაშვილის თქმით, თბილისის მერს პრობლემა მარტო ბოტანიკური ბაღი და ივანიშვილის სურვილების ასრულება ჰგონია.
„17 მაისს, თბილისის საკრებულოში ანგარიშის წარსადგენად საკუთარმა გუნდმა თუ უსუფაშვილმა ან ივანიშვილმა გამოაგდო დედაქალაქის მერი, ეს დიდად საინტერესო აღარაა…
მოკლედ, დავით ნარმანიას მთელი გამოსვლა ცალსახა იყო ერთის მრივ, რომ მხოლოდ თბილისის ბოტანიკური ბაღის გამო უწევდა ახსნა-განმარტებები და ბიძინა ივანიშვილის მართლება საკუთარ თავთან ერთად.
თბილისის მერს არანაირი პასუხი არ ჰქონდა, კონკრეტული პასუხი არ გააჩნდა ჩემ მიერ დასმულ შეკითხვებზე, რომლებიც შშმ პირთა რესოციალიზაციას, დასაქმებას, მათ დისკრიმინაციას და ასევე ქალაქის მოწყობასთან დაკავშირებით. პასუხები ისეთივე არაკომპეტენტური და გაუაზრებელი იყო, როგორიც მისი საქმეები ამ კუთხით.
გარდა ამისა, თბილისის საკრებულოს უმრავლესობის წევრების მიმართვა ოპონენტებისადმი და მესამე სექტოსის – არასამთავრობო ორგანიზაციების მისამართით საკმაოდ აგდებული, აგრესიული და უარყოფითი ჰქონდათ. სამწუხაროა, როდესაც საკრებულოს უმრავლესობის წევრები ასე მოგმართავენ მესამე სექტორს: ვიღაცა ხარ მანდ გაჩუმდი რა… იმაზე მეტი შეკითხვა დასვი ვიდრე გეკუთვნოდა… დაუკრეფავში ნუ გადადიხარ… ბიჭო… კაი რა თუ ძმა ხარ… მოვრდნა ტრიბუნასთან და უხეში საუბრები და ა.შ.. და ბოლოს – ქალებატონებს საუბარს არ აცლიან და საკმაოდ უხეშად მიმართავენ ა.შ…. ასე ლაპარაკობდნენ უმრავლესობის წევრები ილია ჯიშკარიანი და გიორგი ტყემალაძე.
რატომღაც, თბილისის მერს მისი პრობლემა მარტო ბოტანიკური ბაღი და ივანიშვილის სურვილების ასრულება ჰგონია, არა და, შშმ პირების თემა არანაკლებია და, შესაძლებელია, უარესიც…
ჩემ მიერ დასმული არცერთი შეკითხვა არ დაკმაყოფილდა და პასუხგაუცემელი დარჩა. ამავე დროს საკრებულოს სამგორის მაჟორიტარი დეპუტატის უადგილო განცხადება, სრულიად უსაფუძვლო იყო, თუ იმასაც გავითვალისწინებთ, რომ ქალბატონ ლია ჯახველიძემ ისიც კი არ იცოდა რა საჭიროა ადაპტიორებული მისასვლელი მის ბიუროში, ფრიად სასაცილო მდგომარეობაშია დღეს თბილისი საკრებულოს უმრავლესობა… მან განაცხადა, მე თავად მივა როცა საჭირო იქნებაო… არც ის იცის ჯახველიძემ, რამდენი შშმ პირი ჰყავს რაიონში და შესაბამისად, იგი ყოველ დღე თითო ამ ადამიანთან რომ მივიდეს, მისი სამუშაო საათები და საკრებულოში სამუშაო წლები მხოლოდ მათთან სიარულს დასჭირდება. ლია ჯახველაძემ არც ის უწყის, რომ მისი ქმედება უკანონოა და იგი ეტლით მოსარგებლე ადამიანებს უფლებას უზღუდავს უკანონოდ – საკუთარი პრობლემების ან სიხარულის გასაზიარებლად ეტლით მოსარგებლეს დეპუტატის ბიუროში მისვლას უზღუდავს.
ამ და მსგავს საკითხებზე უნდა მსჯელობდეს ამავდროულად ნარმანია დღეს უფრო მეტად, ვიდრე თავს იმართლებდეს ბიძინა ივანიშვილის საამებლად. ქვემოთ მოცემულია ის შეკითხვები, რომლებიც დავით ნარმანიას დავუსვი დღეს და ვერც ერთზე პასუხი ვერ მივიღე“, – აცხადებს ნუგზარ ჭიაბერაშვილი.
უპასუხოდ დარჩენილი შეკითხვები დავით ნარმანიას:
- თქვენ შშმ პირებს მხოლოდ იყენებთ და მათზე თქვენი ერთ კაცზე მორგებული კანტორა მხოლოდ ფულს ხარჯავს და ათეთრებს, უსაქმურობაში ფლანგავთ მილიონებს, სარგებელი კი არაფერი აქვთ შშმ პირებს! თქვენ საერთოდ არ გაქვთ გაცნობიერებული და წარმოდგენაც არ გაქვთ ევროასოცირების ვალდებულებებზე, განსაკუთრებით – 349-ე მუხლის დ პუნქტი! ამ მუხლით დაცული უნდა იყოს შშმ პირთა ყველა უფლება! და თქვენ ასე გინდათ ევროკავშირში შესვლა?! თქვენი ქმედება ანტიევროპულია და შესაბამისად – ანტისახელმწიფოებრივი!
- რატომ არ აფინანსებს თბილისის მერია შშმ პირების დამსაქმებელ შპს-ეებს, რომლებიც თქვენ პროექტებით მოგმართავენ, ჯერ იწონებთ და მერე უკანონოდ, თითიდან გამოწოვილი მიზეზებით უარს ეუბნებით? რატომ არ გყავთ უფრო მეტი შშმ პირი დასაქმებული თბილისის მთავრობასა და სხვა დაწესებულებებში? მით უმეტეს, რომ არ იზღუდება კანომდებლობით ეს საკითხი და პირიქით ვალდებულებად გაწევთ… და ამ დროს თქვენი სამსახურების ხელმძღვანელები და ქვეშევრდომები, შეიძლება ითქვას, რომ კანონს ფეხქვეშ თელავენ, კანონდარღვევით ახორციელებთ შშმ პირთა დასაქმების საკითხებს…
- მხოლოდ ეტლით მოსარგებლეებისთვის რომ კეთდება პანდუსები, უსინათლოებისთვის და მცირედმხედველებისთვის თბილისში რატომ არაფერი არ კეთდება?
- ასევე პასუხისმგებლობა დაგიდგებათ უხარისხოდ გაკეთებულ პანდუსებზე, რომელთა დახრილობა, სიგანე და ხარისხი არ შეესაბამება სტანდარტებს. დაახლოებით მათი 70 პროცენტი გამოსაყენებლად უვარგისია! ვინაა ამაზე პასუხისმგებელი?! რა თქმა უნდა მერია და თქვენ კი პასუხისმგებლობის განცდა საერთოდ არ გაგაჩნიათ! უბრალოდ, ხალხს თვალს უხვევთ, ვითომ საქმეს აკეთებთ!…
- თუ გაქვთ შშმ პირთა უფლებების დარღვევის შესახებ ინფორმაცია და რატომ საზოგადოებას არ აცნობთ ამ საკითხებს, ან რას რეაგირებთ საერთოდ ამ მხრივ?! თუ თვლით, რომ ისინი ჩვენი საზოგადოების წევრები არ არიან… ეს კეთილშობილი ადამიანები თქვენი ხელისუფლებისთვის მხოლოდ მოწყვლად ადამიანებად გყავთ მათ ოჯახებთან ერთად და წინასაარჩევნოდ იყენებთ ამ ბერკეტებს?
- ადაპტირებული ავტობუსები ჩამოგყავთ, 150 ცალი. ეს მგონია, რომ კორუფციული გარიგება უფროა ვიდრე შშმ პირთათვის ხელისშეწყობა, რადგან თქვენ მხოლოდ ახალ ავტობუსებს შეიძენთ და სავარაუდოდ საკუთარ და თქვენთვის და თქვენით დაინტერესებულ ინტერესებს გაითვალისწინებთ… სინამდვილეში, საქალაქო ტრანსპორტის გაჩერებებზე არაა მოწყობილი პანდუსები და როგორ ავლენ ეტლით მოსარგებლე ადამიანები? ანუ რისთვის ყიდულობთ ადაპტირებულ ავტობუსებს თუ უსარგებლო იქნება შშმ პირთათვის?!
- ნუ დაგავიწყდებათ, რომ ეს ადამიანები არ არიან შეზღუდული შესაძლებლობების მქონე პირები, – ესენი არიან განსაკუთრებული შესაძლებლობების მქონე ადამიანები და სინამდვილეში თქვენი ქმედებით, თქვენ ხართ შეზღუდული შესაძლებლობების მქონე პირი და თქვენი მთავბრობაა შშმ პირი, თქვენ თანაგუნდელებთან და თანამოაზრეებთან ერთად, როგორებიც არიან თოფაძეები და მეჭიაურები!
