„მნიშვნელოვანია ტერიტორიული მთლიანობის აღდგენა და ამ გზაზე ევროინტეგრაცია ვერ გვეხმარება. ამიტომ უნდა შევცვალოთ კურსი, უფრო სწორად უარი ვთქვათ კურსზე. ხალხის ნებაა, რომ საქართველო უნდა გათავისუფლდეს უცხო ქვეყნის დიქტატისგან, მით უმეტეს დეკლარირებული დამოუკიდებლობის ფონზე“. ამის შესახებ ახალი პოლიტიკური მოძრაობის „თამაზ მეჭიაური-თავისუფალი საქართველოსთვის“ დამფუძნებელმა თამაზ მეჭიაურმა „tv პირველზე“, გადაცემა „ინგა გრიგოლიას დღის ამბებში“ ისაუბრა.
„თავისუფალი არჩევანი, რომ ჰქონდეს ამომრჩეველს, მხოლოდ ორი პარტია არ უნდა იყოს დაანონსებული. ჩვენ გუნდში თავმოყრილია ის ხალხი, ვინც იზიარებს მთავარ ხედვებს. ყველა მათგანი 2012 წლის არჩევნებამდეც ებრძოდა რეჟიმს. ისინი არიან პატრიოტები. რა თქმა უნდა სამართლიანობის აღდგენა არის „აქილევსის ქუსლი“ ამ ხელისუფლებისთვის. შესაძლოა ამ კურსმა მიგვიყვანოს დამღუპველ შედეგამდე. თუ ეს ილუზია დამთავრდება, და ჩვენს ქვეყანას ღიად ვეტყვით, რომ ვერ შევალთ „NATO“-ში, ყველაფერი დასრულდება. რატომ ვხოცავთ ჩვენს ჯარისკაცებს სხვა ქვეყნებში, რატომ ვიღებთ ფინანსურ ვალდებულებებს“.
მე არანაირი დაპირისპირება პრემიერთან არ მქონია. მან უბრალოდ წყალგამყოფი სამარკაციო ხაზი გაავლო, რომლის იქეთაც არ მოიაზრებოდა პოლიტიკური ლიდერების ნაწილი. ეს ხაზი იყო ნატოსთან ურთიერთობა. მე სკეპტიკურად ვიყავი განწყობილი არა მხოლოდ ევროანტალინტიკური არჩევანის მიმართ. ამას დაემატა „NATO”-ს ეგიდით ჩატარებული ღონისძიებები, შემოდიოდა ტანკები და სამხედრო ნაწილები. ეს შეიძლება გამხდარიყო საფრთხის ნაწილი და პროვოკაციის საფუძველი. შესაძლოა რუსეთს ეს სამხედრო კონტიგენტი გაეზარდა. გიორგი კვირიკაშვილმა მაშინ თავდაცვის მინისტრის მხარე დაიკავა და ამან თავისით მომახვედრა სადემარკაციო ხაზის გარეთ. ჩემი მრწამსის საპირისპირო ნაბიჯს ვერ გადავდგამდი. ვერ ვიტყოდი,რომ „NATO“-ში გავწევრიანდებით უმოკლეს დროში“.
თამაზ მეჭიაურმა საკუთარი ახლადშექმნილი პარტიის დაფინანსებაზეც ისაუბრა.
„მე არ ვარ სათამაშო, მათ შორის არც ჩემთვის საპატივცემულო ადამიანის ბიძინა ივანიშვილის. ის რომ მაფინანსებდეს, ოფისი მაინც მექნებოდა და იქ ჩავატარებდი ჩემი პარტიის პრეზენტაციას. ზოგიერთებივით მეც გამოვიდოდი თავისუფლების მოედანზე, თუმცა ფული, რომ მქონდეს მაინც არ გადავკეტავდი. ვინ არის დაფინანსებული და ვინ არა, პრეზენტაციებს ეტყობა. მე ივანიშვილის ფული მაშინ არ მქონია, როცა მისი პირდაპირი მხარდამჭერი ვიყავი“.
მანანა ღოღობერიძე
