„ამ არჩევნებში ჩვენი ამოცანაა ხმათა აბსოლუტური უმრავლესობის მოპოვება, რაც უხეშად რომ ვივარაუდოთ 100 მანდატზე მეტია. ამის რეალური შანსი გვაქვს“. ამის შესახებ „ქართული ოცნების“ აღმასრულებელმა მდივანმა ირაკლი კობახიძემ „ტვ-პირველზე“, გადაცემა „ინგა გრიგოლიას დღის ამბებში“ ისაუბრა.
„ქვეყანა ვითარდება, ეკონომიკური ზრდის ოპტიმალური ტემპი გვაქვს, ეს არის ჩვენი მთავრობის მიღწევა. პრობლემები არის, თუმცა ჩვენ ვაკეთებთ ყველაფერს მძიმე მემკვიდრეობის გასაუმჯობესებლად. ბუნებრივია შეუძლებელია 4 წელიწადში ეკონომიკის გაათმაგება, თუმცა ჩვენ ვაკეთებთ მაქსიმუმს. სხვადასხვა სფეროში გვაქვს რადიკალური ფუნდამენტური პროგრესი.
2012 წელთან შედარებით ჯანდაცვის სამინისტროს ბიუჯეტი გაორმაგებულია. წინსვლა რეალურად ასახულია საზოგადოების ცხოვრებაში,უბრალოდ „ნაციონალური მოძრაობის“ მიერ მართული მედია ქმნის სხვა რეალობას. სულ სხვა რამეს გვეუბნება მონაცემები. 2012-2016 წლებში რიგითი ადამიანების შემოსავლები ბევრად გაზრდილია. ინფლაციას ბევრად აღემატება საშემოსავლო გადასახადები, ეს აისახება ნაყიდი მანქანების რაოდენობაზეც. რა თქმა უნდა მედიას კარგად შეუძლია სიღარიბის შეფუთვა. ჩვენ ამ მხრივაც რთული მდგომარეობა დაგვხვდა. მთლიანად სიღარიბის აღმოფხვრას სჭირდება არა ერთი და 2 წელი. ბუნებრივია კონტროლირებადი მედიის მიერ სიღარიბის თემით მანიპულირებაც ძალიან ადვილია,“-განაცხადა ირაკლი კობახიძემ.
მანანა ღოღობერიძე
