მიკროავტობუსებში კონდინცირების საკითხი დაუძლეველ პრობლემად რჩება. მიუხედავად იმისა, რომ წესდებით 27 გრადუსს ზემოთ უკვე ჩართული უნდა იყოს კონდინციონერი, 38 გრადუსზეც კი ვერ ვხვდებით გაგრილებულ ტრანსპორტს და ისედაც აუტანელი სამგზავრო პირობები კიდე უფრო მძიმდება. ხშირად მოგვისმენია, როგორ ამბობს მძღოლი რომ მას კონდინციონერის ჩართვის უფლებას არ აძლევენ, თუმცა „შპს თბილისის მიკროავტობუსის„ წარმომადგენლები უარყოფენ ამ ფაქტს და აბობენ, რომ მძოლები საკუთარი სურვილისამებრ მოქმედებენ. სამარშრუტო ტაქსების უმრავლესობაში ცხელი ხაზის ნომერიც არ გვხვდება. რამდენად ხდება ე.წ. მარშუტკების მონიტორინგი, თუ არის რეაგირება კომპანიის მიერ, როდესაც მოქალაქე ცხელ ხაზზე რეკავს და რა სანქციები ხორციელდება შემდგომ დაუმორჩილებელი მღოლის მიმართ, ამ და სხვა საკითხებზე “თბილისი თაიმსს” „შპს თბილისის მიკროავტობუსის“ წარმომადგენელი ნათია მიქიაშვილი ესაუბრა.
„კვირაში ერთხელ ხდება მიკროავტობუსების მონიტორინგი, მოწმდება ყველა სამარშუტო ტაქსი. მოწმდება სხვადასხვა დარღვევები, ხშირად ხან მომხმარებელი, ხან მძღოლი აძრობს საკონტაქტო ინფორმაციას, თუმცა კონდიციონერების ჩართვასთან დაკავშირებით ყოველდღე მოწმდება მარშრუტები.
როდესაც მოსახლეობა გვატყობინებს კონდინცირების არ ჩართვასთან დაკავშირებით, მძღოლს პირველად ორი კვირით მართვის უფლოება ჩამოერთმევა, მეორედ 6 თვის ვადით და მესამე შემთხვევაზე კონტრაქტს ვწყვეტთ მასთან. ხშირად, თვითონ მომხმარებელი იკავებს თავს და არ გვიკავშირდება, თუმცა ყოველდღიურად შემოდის ცხელ ხაზზე ზარები. მოსახლეობის აქტიური ჩართულობა ჩვენთვის დიდი შეღავათი და დახმარებაა,“ – განმარტავს კომპანიის წარმომადგენელი.
მარიამ ფანჩულიძე
