„იმისთვის,რომ ჩრდილო-ატლანტიკურ ალიანსში ინტეგრაციას მივაღწიოთ, გარდა შინაგანი ნებისა, აუცილებელია შესაბამისი საერთაშორისო კონიუნქტურა. გარღვევევბის აღმოსაფხვრელად საქართველოს ბევრად მეტი ძალისხმევა მართებს, ვიდრე დეკლარაციები“. „ნატო“-საქართველოს ურთიერთობის პერსპექტივებზე, ჯონ კერის საქარტველოსი ვიზიტის საკიტხებზე და პარლამენტის მიერ ხელმოწერილ დოკუმენტზე „ნაციონალური მოძრაობის“ წევრმა დავით დარჩიაშვილმა ტელეკომპანია „იმედზე“, გადაცემა „პოლიტიკის“ ეთერში ისაუბრა.
„ახლა არის ხელსაყრელი ვითარება,რომელიც რუსეთის ირაციონალურმა აგრესიულობამ შექმნა. მნიშვნელოვანია შავი ზღვის ერთიანი ფლოტის შექმნა. როცა თავდაცვის მინისტრი გულწრფელად საუბრობს ალიანსთან ინტეგრაციის უალტერნატივობაზე, გასათვალისწინებელია, რომ პარალელურად უსაფრთხოების სექტორი შედგება ისეთი გავლენიანი უწყებებისგან,როგორიც არის შსს და სუსი. მათი ხელმძღვანელები ტიპური პოსტსაბჭოური გამოცდილების ადამიანები არიან. დღეს სამოქალაქო-დემოკრატიული კონტროლის თვალსაზრისით არ არის სათანადო ნაბიჯები და სამინისტროების ეფექტურობის თავლსაზრისით ვითარება გაუარესდა. მღებრიშვილი და გომელაური დღე და ღამე ნამდვილად არ ფიქრობენ იმაზე, როგორ გაწევრაინდნე „ნატო“-ში.
ჯონ კერისთან ვიზიტისას საუბრის მთავარი თემა იყო რუსეთიას აგრესია, რუსული პრობლემა, რომელიც ყველაზე მწვავედ უკრაინაში დგას. ეს სულაც არ ნიშნავს, რომ ჩვენს მიმართ მათი დამოკიდებულების სიმწვავე კლებულობს. ამას სჭირდება საერთაშორისო თანამეგობრობის გვერდით დგომა. მთავარი თემა იყო ასევე წინასაარჩევნო გარემო, რომელიც იწვევს კითხვის ნიშნებს არა მხოლდო საპარლამენტო ოპოზიციურ ძალებში. წინასაარჩევნო გარემო საეჭვოა მედიის, არასამთავრობო სექტორის და საერთაშორისო დამკვირვებლების მხრიდანაც. თავად სახელმწიფო მდივანმაც განაცხადა, რო მ მნიშვნელოვანია საარჩევნო გარემო და ელოდება ამ საკითხების სწორ და ადეკვატურ გადაწყვეტას. უშუალოდ ელჩმა იან კელიმაც განაცხადა „რუსთავი-2“-ის სარედაქციო პოლიტიკის თავისუფლების შესახებ.
ორი წლის წინაც მოვაწერეთ ხელი დოკუმენტს, სადაც ჩრდილო-ატლანტიკური გზის უალტერნატივობაზე იყო საუბარი. არსებობს საგარეო უსაფრთხოების პოლიტიკის ისეთი ფუნდამენტური ინტერესები, რომელიც უფრო მაღლა დგას ვიდრე ის, თუ რომელი პარტიაა ხელისუფლების სათავეში. ამ დოკუმენტს დიდი ინტერესით ელოდა საერთაშორისო თანამეგობრობა. თუმცა ხელის მოწერა და ეჭვი „ქართული ოცნების“ გულწრფელობაში, არ არის შეუთავსებელი“-განაცხადა დავით დარჩიაშვილმა.
მანანა ღოღობერიძე
