„შემდეგი შვიდი თვის განმავლობაში ეს არის ავტობუსების განახლების პირველი ეტაპი. თბილისში სექტემბრიდან ამ კონტრაქტის საფუძველზე სულ 143 ახალი ავტობუსი შემოვა“. კამის შესახებ თბილისის მერმა დავით ნარმანიამ ტელეკომპანია „მაესტროზე“, გადაცემა „მაესტროს ფაქტორში“ ისაუბრა.
„აქ არ ვჩერდებით და ვაგრძელებთ პროგრამას. დღეს თბილისს 550 ავტობუსი ემსახურება. ეს რაოდენობა საშუალოდ ყოველდღიურად არ არის საკმარისი. მთელი ქალაქი, რომ მოვიცვათ ქალაქს მინიმუმ 700 ავტობუსი უნდა ემსახურებოდეს.
არ არსებობს, გაზზე მომუშავე ავტო–ტრანსპორტი ბევრ ქვეყანაშია აპრობირებული. ხელშეკრულებაზე ხელის მოწერისას იქვე გაკეთდა პრეზენტაცია იმ გამოცდილების და მსოფლიო პრაქტიკის შესახებ,რაც არსებობს ბუნებრივ გაზზე მომუშავე ავტობუსებთან დაკავშირებით. კომპანია MAN–ის ავტობუსები ბევრ წამყვან ქვეყანაში დადის. ისინი მნიშვნელოვანია ეკოლოგიის და გარემოს დაცვითი თავლსაზრისით. გარდა ამისა, გაზზე მომუშავე ტრანსპორტის საწვავით უზრუნველყოფა გაცილებით იაფია, ვიდრე დიზელზე და ბენზინზე. ეს ავტობუსები არის 12 მეტრი სიგრძის, 3–კარიანი და მაღალი დისტანციის გზებზეა განკუთვნილი. იმის გამო, რომ თბილისში ბევრი ვიწრო ქუჩა და უსწორმასწორო რელიეფია, შემდეგი განაცხადისას აქცენტს შედარებით პატარა და კომპაქტურ ავტობუსებზე გავაკეთებთ.
ეს ტენდერები და პროექტები კორუფციის წყარო იყო წლების განმავლობაში ძველ სისტემაში. ამ სისტემის წარმომამდგენლები დღეს რატომღაც გვაკრიტიკებენ ამ ევროპული და თანამედროვე ავტობუსების შემოყვანისთვის. სასაცილო და აბსურდულია მათი განცხადებები. ევროპული სტილის ავტობუსები კომფორტული და ენერგოეფექტურია. გრძელვადიან პერსპექტივაში მათი მოვლა–შენახვის ხარჯები უფრო იაფი ჯდება, ვიდრე ბევრი უხარისხო პროდუქტის, რომელიც ბაზარზე იყიდება.ასეთ პირობებში,როცა საკუთარი ქალაქისთვის მნიშვნელოვანი შენაძენის საწინააღმდეგო განცხადებას ისმენ და ვიღაცები კორუფციაზე საუბრობენ, რბილად რომ ვთქვა სასაცილო და აბსურდულია,“ – განაცხადა დავით ნარმანიამ
მანანა ღოღობერიძე
