დღეს არჩევნებისთვის შექმნილი უწყებათაშორისი კომისიის პირველი სხდომა გაიმართა. ეს უწყება იუსტიციის მინისტრის 29 ივნისის ბრძანებით შეიქმნა.
მისი მიზანი 2016 წლის საპარლამენტო არჩევნების დროს საჯარო მოსამსახურეების მხრიდან საარჩევნო კანონმდებლობის დარღვევის პრევენცია, გამოვლენილ დარღვევებზე რეაგირება და ამ გზით თავისუფალი და სამართლიანი საარჩევნო გარემოს უზრუნველყოფაა.
შეხვედრაზე პარტიების მიერ მიწოდებული ინფორმაცია განიხილებოდა, რომელიც წინასაარჩევნო პერიოდს ეხებოდა.
კომისიის პირველ სხდომას, იუსტიციის მინისტრი − უწყებათაშორისი კომისიის თავმჯდომარე − თეა წულუკიანი უძღვებოდა.
მარიამ ტაკაშვილი
