ბრიტანეთში მოღვაწე ქოუჩი გრეის დეარსი სამშობლოს ექსკლუზიური პროექტით სტუმრობს

პირველად საქართველოში, გრეის დეარსი იწყებს თავის საავტორო ვორქშოფს სახელწოდებით: “ქალური ენერგია და მისი გამოყენება საკუთარი თვითრეალიზაციის გზაზე”.

როგორც ცნობილია, ვორქშოპი არის განკუთვნილი მხოლოდ ქალბატონებისთვის და მოიცავს პრაქტიკულ მუშაობას. დეტალურად თბილისში დაგეგმილი ღონიძიების შესახებ თავად გრეისი გვესაუბრა:

გრეისი: ეს არის სამდღიანი, უნიკალური ვორქშოფი იმ ქალბატონებისთვის, რომლებიც გრძნობენ, რომ მათ მეტი შეუძლიათ და უნდათ, რომ უფრო სავსე და საინტერესო ცხოვრებით იცხოვრონ.

1. კონკრეტულად რას მოიცავს მუშაობა?

მუშაობა მოიცავს საუბრებს, სავარჯიშოებსა და “ექსტაზური გამოღვიძება” ცეკვის მეთოდის გამოყენებას. მსმენელებს მიეცემათ საშუალება, რომ გააღვიძონ საკუთარი ქალური ენერგია და შეისწავლონ ისეთი საკითხებუ როგორიცაა:

1. როგორ შეცვალოთ საკუთარი ცხოვრება; ეს მოიცავს საკუთარ თავთან ისეთი ურთიერთობის დამყარებას, რომელიც მოგცემთ საშუალებას, რომ ნათლად დაინახოთ თუ ვინ ხართ სინამდვილეში და რა შესაძლებლობები გაგაჩნიათ.

2. როგორ განახორციელოთ თქვენი უმაღლესი პოტენციალი;
ამ შემთხვევაში, გრეისი ისაუბრებს, სამყაროსთან თქვენი ურთიერთობის მნიშვნელობაზე. გაიგებთ როგორ გაერკვეთ საკუთარ სურვილებში და მოუსმინოთ თქვენ ინტუიციას, რათა შეძლოთ ნათლად დაინახოთ, თუ რა ნაბიჯები უნდა გადადგათ თქვენი სურვილების განხოციელბის გზაზე.

3. როგორ დაეხმაროთ სამყაროს.
ვორქშოპის მესამე ნაწილი შეეხება ადამიანთა უერთიერთდამოკიდებულების საკითხებს. ისწავლით, როგორ შექმნათ ისეთი ურთიერთობები, რაც თქვენ წინსვლასა და სამყაროს თქვენი იდეებით გამდიდრებას შეუწყობს ხელს.

2. ვისთვის არის განკუთვნილი პროექტი?

ვორქშოფი განკუთვნილია მხოლოდ ქალბატონებისთვის, რომელთაც აქვთ სურვილი იცხოვრონ უფრო სავსე და საინტერესო ცხოვრებით და მოახერხონ საკუთარი თავის მაქსიმალური რეალიზება. ეს არაჩვეულებრივი მეთოდი ძალზედ ეფექტურია ჩვენი ცხოვრების გასაუმჯობესებლად, რომელიც უშუალოდ ქალბატონებისთვისაა შექმნილი. მისი შესწავლა და პრაქტიკული გამოყენება, ვორქშოფის მონაწილეებს მისცემს საშუალებას გაერკვნენ იმაში, თუ რა სურთ სინამდვილეში და როგორ მოიპოვონ საკუთარ თავში იმის ძალა, რომ უფრო თამამად წავიდნენ თავიანთი ჭეშმარიტი სურვილების გზაზე.

3. როგორც ვიცით თქვენ ამა წლის სექტემბერში აგირჩიეს ორგანიზაცია ვუმანსფიქ-ის ერთ-ერთ ლიდერად. რას მოიცავს თქვენი მუშაობა?

ჩემი ფუნქციაა დავეხმარო ქალბატონებს გამოხატონ საკუთარი იდეები და დაეუფლონ საჯაროდ გამოსვლის ხელოვნებას. დავეხმარო ქალბატონებს მოიპოვონ შინაგანი თავისუფლება, გამოხატონ საკუთარი თავი და მოახდინონ მაქსიმალური თვითრეალიზაცია!

4. რატომ გადაწყვითეთ თანამშრომლობა დავითიანნის ფსიქოლოგიის ცენტრთან და სამომავლოდ რა გეგმები გაქვთ?

ბოლო რამდენიმე წლის განმავლობაში, საზღვარგარეთ, ადამიანის პიროვნული ზრდის სფეროში აქტიურად მოღვაწეობისას, გამიჩნდა სურვილი, ჩემი ცოდნა და გამოცდილება ქართველი ქალატონებისთვისაც გამეზიარებინა. გადავწყვიტე, თბილისში ჩამომეტანა ის მეთოდი, რომელმაც ჩემ არაერთ კლიენტს არაჩვეულებივი შედეგი მოუტანა. ამ იდეის განსახორციელებლად მივმართე “დავითიანნის” ფსიქოლოგიის ცენტრს. მათ თანამშრომლობა შემომთავაზეს, რასაც სიხარულით დავთანხმდი. ვგეგმავ საქართველოში ყოველწლიურად ჩამოსვლას, რათა ჩემი საქმიანობა ჩვენი ქალბატონების სამსახურში ჩავაყენო. ამა წლის სექტემბერში, დავინიშნე ორგანიზაცია ვუმანსფიქის ერთ-ერთ საერთაშორისო ლიდერად, რაც საშუალებას მომცემს, რომ დავეხმარო ქალბატონებს გამოხატონ საკუთარი თავი, გაუზიარონ სხვებს თავიანთი იდეები და დაეუფლონ საჯაროდ გამოსვლის ხელოვნებას. მე ამ პროექტის საქართველოში ჩამოტანასაც ვგეგმავ სხვა საინტერესო ტრენინგებთან ერთად, და ვიმედოვნებ, რომ ჩემი და დავითიანნის ცენტრის თანამშრომლობა მომავალშიც წარმატებით გაგრძელდება.

ფსიქოლოგი ნინო კერესელიძე: ” “დავითიანნის” ფსიქოლოგიის ცენტრისთვის მნიშვნელოვანია საქართველოშიც დანერგოს და განახორციელოს პროექტები, რომლებიც აქტიურად მიმდინარეობს ფსიქოლოგიის სფეროში მთელი მსოფლიოს მასშტაბით. გრეის დეარსის საავტორო პროგრამა კი ქართველ სპეციალისტებს და ფსიქოლოგიით დაინტერესებულ პირებს მისცემს საშუალებას გაიზიარონ მსოფლიოში მიმდინარე მიღწევები საკუთარი თავის შეცნობის გზაზე. ვფიქრობ, 24 ოქტომბერს დაგეგმილი პირველი შეხვედრა ქართველ ფსიქოლოგებთან იქნება ტრამპლინი ურთიერიერთობის გაღმავებაში. აგრეთვე დაგეგმილია უკვე ტრენინგების კურსიც, რომელიც სისტემატიური ხასიათის იქნება. პირველ ჯგუფს უკვე წელს მივიღებთ. აღსანიშნავია ის ფაქტი, რომ კურსი მთლიანად ეთმობა ქალბატონებს და მუშაობა იქნება მცირე ჯგუფებში.”