„მე მაქვს ჩემი ინფორმაცია, რომელიც როგორც წესი ყოველთვის მართლდება, საახალწლოდ დაგეგმილია მორიგი მედიაწმენდა. არამგონია ვინც აზროვნებს მარადიულობის განცდით ცხოვრობდეს.ინფორმაციას მოსალოდნელი მორიგი წმენდის შესახებ ფლობს ყველა ჟურნალისტი“. ამის შესახებ ჟურნალისტმა ინგა გრიგოლიამ „რუსთავი 2“–ზე, გადაცემა „არჩევანის“ ეთერში ისაუბრა.
დღეს ქვეყანაში ეს არის ყველაზე მნიშველოვანი თემა. ცოტა ხნის წინ ვნახეთ დიდი ცვლილებები მედიასივრცეში. როცა ახალი მთავრობის დამტკიცებაზე, მათ მინისტრებზე ვსაუბრობთ და პოლიტიკას განვიხილავთ,ამის პარალელურად არ მახსენდება არც ერთი სტუმარი სახელისუფლებო გუნდიდან არც არჩევნებამდე და არც არჩევნების შემდეგ, რომელთანაც არ ვასრულებ საუბარს ამ კითხვით, თუ რა ელის „რუსთავი 2“– ს.
საზოგადოებრივ მაუწყებელზე უცებ გაირკვა, რომ ადამიანი, რომელმაც სასამართლოთი დაიბრუნა გენერალური დირექტორის პოზიცია, ვადის ამოწურვამდე 2 წლით ადრე იღვიძებს და იღებს გადაწყვეტიელბას, რომ წავიდეს. ამას პირდაპირ ჰქვია, რომ მას უთხრეს და ის წავიდა. დადგა ახალი მედიაწმენდის დრო. ნუ დგაგან კოლეგები ზოგი ნეიტრალურ, ზოგი ჩასაფრებულის პოზიციაში. თუ რომელიმე ჟურნალისტი ხმას არ იღებს, ნეიტრალურ პოზაშია და ფიქრობს, მათ არ შეეხებათ, აუცილებლად შეეხებათ.
ნუ შეგვეშინდება აღიარება, რომ „რუსთავი 2“ ყველაზე რეიტინგული ნაციონალური არხია . ამის აღიარება ხშირად უჭირთ ჩემს კოლეგებს. მნიშვნელოვანია, რომ არსებობდეს ასეთი კრიტიკული ტელევიზია. ვის მიმართაც არ უნდა იყოს სიმპატია, რომელი პოლიტიკური ძალის მიმართაც არ უნდა იყოს მიკერძოებული, ასეთი ტელევიზია სჭირდება ქვეყანას. წინააღმდეგ შემთხვევაში ყველა იმღერებს ერთ ხმაში. ყველგან იქნება ერთი და იგივე განრიგი, სტუმრები. ხვალ რომ ვიღაცას სოციალურ დახმარებას მოუხსნიან, ზეგ რომ ვიღაც გაჭირვებულობის გამო შვილს ვერ წაიყვანს სკოლაში, გასაშუქებელი სივრცე უბრალოდ აღარ იქნება,“–განაცხადა ინგა გრიგოლიამ.
მანანა ღოღობერიძე
