28 ნოემბრიდან თბილისში მე -17 საერთაშორისო კინოფესტივალი იწყება, რომელიც წელს პოლიტიკას ეძღვნება. ამ სექციაში ნაჩვენები იქნება 10 დოკუმენტური და მხატვრული ფილმი, რომელიც მსოფლიოს სხვადასხვა ქვეყნიდან არის შერჩეული და პოლიტიკის თემაზეა დაფუძნებული.
თბილისის კინოფესტივალის ყველაზე მნიშვნელოვანი ნაწილი საერთაშორისო კონკურსი იქნება. აქ მონაწილეობას ევროპელი კინორეჟისორების 10 სრულმეტრაჟიანი მხატვრული ფილმი მიიღებს. ტრადიციულად, საუკეთესო ფილმი ოქროს „პრომეთეთი“ დაჯილდოვდება. საუკეთესო რეჟისორს კი ვერცხლის „პრომეთე“ გადაეცემა.
კონკურსის გამარჯვებულებს ჟიური გამოავლენს, რომლის თავმჯდომარე საფრანგეთში მცხოვრები კანადელი მსახიობი და ფრანგული „ახალი ტალღის“ ერთ-ერთი მნიშვნელოვანი წარმომადგენელი ალექსანდრა სტიუარტი იქნება.
წელს პირველად საერთაშორისო სექციაში 2 ქართული ფილმი იქნება ნაჩვენები.
28 ნოემბერს ფესტივალს მარგარეტ ფონ ტროტას ფილმი “როზა ლუქსემბურგი” გახსნის და 3 დეკემბერს აბას კიაროსტამის ფილმი ” წამიყვანე სახლში ” დახურავს.
სასტუმრო “rooms hotel tbilisi”- ში ორგანიზატორებმა ფესტივალის პროგრამის შესახებ პრესკონფერენცია გამართეს.
