3 დეკემბერი შეზღუდული შესაძლებლობის მქონე პირთა უფლებების დაცვის საერთაშორისო დღეა…
“მე არ ვცნობ შეზღუდვებს, ვირჩევ თანაბარ შესაძლებლობებს! – ამ სლოგანით 3 დეკემბერს შეზღუდული შესაძლებლობების მქონე პირთა უფლებების დღე აღინიშნება…
შესაბამისად ამ დღისა, „განსაკუთრებული ჟურნალი“, ტრადიციულად მართავს ორიგინალურ და განსაკუთრებულ ღონისძიებას. 
ჩვენი საღამოები ერთმანეთს არ ჰგავს და ყოველთვის განსხვავებული ფორმატისაა, რადგან ეს მართლაც „განსაკუთრებული ჟურნალია“ და ასევე განსაკუთრებული ადამიანები არიან ამ გამოცემის ძირითადი თანამშრომელბი.
ჩვენ ვიცავთ საქართველოს ევროპასთან ასოცირების ხელშეკრულების მუხლი #349-ის დ პუნქტს! ეს არის ძალიან მნიშვნელოვანი მომენტი, როდესაც ჩვენ პრეტენზია და სურვილი გვაქვს ევროპის ოჯახის წევრობაზე. ამიტომაც, პატივი უნდა ვცეთ ადამიანის უფლებებს არა მარტო შშმ პირებს, არამედ ყოველ მოქალაქეს და სრულად უნდა იყოს მათი უფლებები დაცული. 
ქვეყანაში, სადაც ადამიანის უფლება დარღვეულია, ის ქვეყანა, თავისთავად, დარღვეულია იმ მომენტისათვის და შესაძლოა მისი საბოლოოდ დაიშალოს სახელმწიფო, რადგან მან ვერ უზრუნველყო პიროვნების თავისუფლება, უფლებების დაცვა და ვერ შეძლო სხვა მოქალაქეებისთვის და ქვეყნებისთვის მიეცა მაგალითი. მუდმივად 3 დეკემბერი უნდა იყოს და მუდმივად უნდა ვიცავდეთ შშმ პირების უფლებებს, მათ 
დასაქმებაზე და რესოციალიზაციაზე უნდა ვზრუნავდეთ.
ეს ღონისძიება მხარდაჭერილია გარდაბნის მუნიციპალიტეტის გამგეობის მხრიდან, გოჩა ჯამარაულიდნ, რომელიც მუდმივად თანამშრომლობს „განსაკუთრებულ ჟურნალთან“ და არასოდეს ავიწყდება შშმ პირები. მას ბევრი და სანაქებო მეგობარი ჰყავს შშმ პირების სტატუსის მქონენი და ამით ამაყობს კიდევაც. ასევე უმნიშვნელოვანეს თემად 
მიაჩნია წყნეთის გასართობ ცენტრ „კოპალას“, რომელიც უკვე მუდმივი პარტნიორი გახდა ჩვენი ჟურნალისა. იმედი მაქვს, მალე მთელი საზოგადოება გაერთიანდება შშმ პირებისა და საერთოდ, ადამიანის უფლებების დაცვის საკითხში.
არ არსებობს შშმ პირი – არსებობს მხოლოდ განსაკუთრებული შესაძლებლობების მქონე ადამიანი! და დღეს, 3 დეკემბერს, გელოდებით ყველას, ვისთვისაც ძვირფასია ამ ადამიანების და საერთოდ სამოქალაქო თვითშეგნებისა და განვითარების ეს უმნიშვნელოვანესი ინსტიტუტი – ადამიანის უფლებების დაცვა, – წყნეთის გასართობ ცენტრ კოპალაში! გვექნება ძალიან თავისუფალი, ორიგინალური და არაფორმალური ღონისძიება“, – განაცხადა განსაკუთრებული ჟურნალის“ დამფუძნებელმა და მთავარმა რედაქტორმა, ნუგზარ ჭიაბერაშვილმა.
