„პიროვნული სიმპატიების მიუხედავად, გონიერი ადამიანისთვის არ უნდა დაისვას კითხვა, ბურჯანაძის პოლიტიკაში და ხელისუფლებაში ყოფნით უფრ მოიგებდა ქვეყანა, თუ იმ ადამიანების ხელისუფლებაში ყოფნით, ვინც დღეს არიან“. 2016 წელი შეაჯამა და მთავარ პოლიტიკურ მოვლენებზე „დემოკრატიული მოძრაობა-ერთიანი საქართველოს“ ლიდერმა ნინო ბურჯანაძემ „ტვ პირველზე“, გადაცემა „დიანა ტრაპაიძის შეკითხვის დროს“ ეთერში ისაუბრა.
„არასოდეს მქონია სურვილი, რომ ერთპიროვნულად მემართა ქვეყანა. ვამბობდი, რომ უნდა შემქნილიყო კოალიციური მთავრობა, ყოფილიყო მრავალპარტიულ მმართველობა. ეს არ გულისმხობს იმას, რომ ათი და ოცი პარტია ყოფილიყო, მაგრამ არც იმას, ახლა რომ არის ერთპიროვნული მმართველობა და კიდევ უფრო გაძლიერებული არაფორმალური მმართველობა მივიღეთ.
კითხვის ნიშანიც არ ისმის, ნებისმიერი ქვეყნისთვის არჩევნები ყოველთვის არის განსაკუთრებული მოვლენა ქვეყნის პოლიტიკურ ცხოვრებაში. 2016 წელი და ეს არჩევნები იყო უნიკალური შანსი ჩვენი ქვეყნისთვის, რომ სერიოზულად შეგვეცვალა ქვეყნის ხვალინდელი დღე, ქვეყნისთვის რეალურად მიგვეცა ნორმალური, დემოკრატიული განვითარების და წინსვლის შანსი. სამწუხაროდ ეს შანსი გამოყენებული არ იქნა. 2016 წელი ერთი მხრივ იყო მოლოდინების და იმედების, მაგრამ ამავდროულად გამოუყენებელი შანსის წელი.
პოლიტიკოსს უნდა შეეძლოს არა მხოლოდ მოგება, წაგებაც და წაგების დროს ღირსეულობის შენარჩუნება. მოგების დროს ყევლა ძლიერია. დაუმსახურებული წაგების გადატანა არის ღირსების საკითხი. ვფიქრობ, რომ ეს იყო დიდი შეცდომა, როდესაც ჩამოიშალა პოლიტიკური პარტიები. აქ ბიძინა ივანიშვილი ხელი ერია. მან დაიწყო “არაკაცობის” წახალისება, თითით მინიშნებები. ცალკეული პარტიის წევრებს ეუბნებოდა, რომ თქვენ კარგი ბიჭები ხართ, მაგრამ თქვენს ლიდერთან არ ვითანამშრომლებ. აღმოჩნდა, რომ მისთვის მისაღები მხოლოდ გიგა ბოკერია და „ნაციონალური მოძრაობის“ ნაწილია,“-განაცხადა ნინო ბურჯანაძემ.
მანანა ღოღობერიძე
