Facebook
საქართველოს ათლეტიზმის ფედერაციამ ფიტნესის, ბოდიბილდინგის, ძალისმიერი სამჭიდისა და ფიზიკური მომზადების მიმართულებით საუკეთესო უნივერსალური ინსტრუქტორები დაასახელა. მათ შორის, ბოდიბილდინგის მიმართულებაში საუკეთესო მწყვრთნელის წოდება ტატო ჯოგლიძემ დაიმსახურა. „თბილისი თაიმსი“ შეეცადა გაერკვია, რამდენად მნიშვნელოვანია მოქმედი სპორტსმენისთვის მინიჭებული სტატუსი, რა გზა გაიარა საუკეთესოთა რიგებში მოსახვედრად, რატომ გამოარჩია ფედერაციამ ტატო ჯოგლიძე? ამ და სხვა საკითხებზე თბილისი თაიმსი ტიტულოვან და წარმატებულ სპორტსმენს ტატო ჯოგლიძეს დაუკავშირდა.
რას ნიშნავს ეს წოდება თქვენთვის და რამდენად მნიშვნელოვანია ამ სფეროში მსგავსი სტატუსი?
– მაქვს სერტიფიკატი რომელიც მაძლევს შესაძლებლობას, ვიყო პროფესიონალი მწრთვნელი, რაც ნიშნავს, იმას, რომ საშეჯიბრებო დონეზე შემიძლია მოვამზადო როგორც მამაკაცები, აგრეთვე, – ქალბატონები. ბოდილბინდიგში თავადაც მოქმედი სპორტსმენი ვარ და უნივერსალური ინსტრუქტორის წოდება, რომელსაც არ ველოდი, დამატები მოტივაცია გახდა ჩემთვის.
ჩემი ცოდნით ვეხმარები ადამიანებს, რომლებსაც სურთ, რომ შეჯიბრზე გამოვიდნენ და არ იციან, თუ როგორ უნდა მოიქცნენ (კვების რეჟიმი, სასცენო პოზირება). ამასთანავე, ჩემი მიზანია, რომ დაინტერესებული პირები მოვამზადო, არა მარტო ფიზიკურად, არამედ ფსიქოლოგირადაც. მხოლოდ შტანგებით ვარჯიში არაფერია თუ ინდივიდუალურ მიდგომებს არ გამოიყენებ და არ გაიაზრებ კონკრეტული შემთხვევების დროს. აქვე დავძენ, რომ ამ მიმართულებით უკვე დიდი ხანია ვმუშაობ და შემიძლია გითხრათ, რომ საკმაოდ კარგი შედეგები მაქვს 2015-2016 წლებში ოთხი ადამიანი მოვამზადე საქართველოში გამართული ჩემპიონატისთვის და ოთხივე მათგანმა მედალი აიღო. იმ რესურსების რეალიზება და შრომის დაფასება, რომელიც მათ მომზადებაში გავწიე ძალიან სასიხარულოა.
სად მოღვაწეობთ ამ ეტაპზე და სად წვრთნით თქვენს მოწაფეეებს? თავად რა ტიტულები და მიღწევები გაქვთ ამ სფეროში?
– საქართვ
ელოს აბსოლუტური ჩემპიონის ტიტული მოვიპოვე. არ მინდა ქედმაღლურად გამომივიდეს, მაგრამ ალბათ უნდა ითქვას, რომ საქართველოში ერთადერთი ვარ, ვისაც არნოლდ შვარცნეგერის ტურნირში, ნახევარფინალისტის წოდება აქვს. კლასიკურ ბოდიბილდინგში მსგავსი შედეგი იგივეა, რაც საფეხბურთო კლუბმა „დინამომ“ ჩემპიონთა ლიგაზე ნახევარ–ფინალში მოხვედრა შეძლოს. ამჟამად ფიტნეს-დარბაზი მაქვს “საკემატა”. იდეა მოვიფიქრეთ მე და ჩემმა პარტნიორმა ალექსანდრე ბაჯელიძემ, სახელიც ჩვენ დავარქვით. შეიძლება ითქვას, რომ სუფთა ქართული ბიზნესია. სამომავლოდ ვგეგმავ, რომ რამდენიმე ფილიალი გავხსნა თბილისის მასშტაბით. ვნახოთ, იმედია ბოლომდე გამომივა ყველაფერი. მთავარია, დაინტერესება და გამოხმაურება დიდია.
როგორ ფიქრობთ, არის პოპულარული საქართველოში ის ფერო სადაც თქვენ მოღვაწეობთ და რამდენად არიან დაინტერესებული მოქალაქეები ამ აქტივობით?
– დღესდღეობით შეიძლება თამამად ითქვას, რომ ვარჯიში ერთგვარი მოდააა. სტატისტიკურად უფრო და უფრო მეტი ადამიანი ერთვება სპორტის სხვადასხვა სახეობებში, შესაბამისად იზრდება დაინტერესება ფიტნესისა და ბოდიბილდინგის მიმართ. ადამიანებმა გაიაზრეს, რომ აქტიური სპორტული ცხოვრება ეხმარებათ არა მარტო ფიზიკურ გაჯანსაღებაში, არამედ წარმატების მიღწევასა და პროფესიულ წინსვლაში. სავარჯიშო დარბაზების სიმრავლე მარტივად მიგვანიშნებს, რამდენად პოპულარული გახდა ეს მიმართულება ჩვენს ქვეყანაში. აქვე შემიძლია ვთქვა, რომ კვალიფიცირებული ინსტრუქტორების დამსახურებაა ისიც, რომ გაიზარდა დაინტერესება სპორტული აქტივობების მიმართ. დღეს უკვე შესაძლებელია სხვადასხვაგავრი პრობლემების: ჭარბწონიანობა, ლამაზი სხეულის ფორმები, ჯანმრთელობასთან დაკავშირებული საკითხების ძალიან მოკლე დროში მოგვარება. 
ცნობისთვის, საქართველოს ათლეტიზმის ფედერაციამ, ათლეტიზმის მწვრთნელის წოდება სხვადასხვა კატეგორიაში მიანიჭა ასევე – დავით გაბელიას, რუბენ ქარქუსაშვილს და დავით ხიზანიშვილს. ჩვენ ვაგრძელებთ ცხოვრების ჯანსაღი წესის მხარდაჭერას და პოპულარიზაციას.წარმატებებს ვუსურვებთ ტატოს.
The Tbilisi Times მომავალში უფრო სრულყოფილ ინტერვიუს გპირდებათ ტატო ჯოგლიძესთან, კონკრეტული რჩევებითა და რეკომენდაციებით.
ნანუკა მაღლაკელიძე
