სახის მოვლის სწრაფი მეთოდები ყველაზე დაკავებული ქალბატონებისთვისიდეალურ სამყაროში ჩვენ ყველას გვაქვს თავისუფალი დრო, რომელსაც საკუთარ თავს ვუთმობთ. რეალურ ცხოვრებაში კი ისიც მიღწევაა, მაკიაჟის მოცილება თუ მოვასწარით, სანამ ბალიშზე „დავეცემით“ სახით. მაშინ, როდესაც ჩვენ კარიერულ კიბეზე სულ ზევით და ზევით ავდივართ, კანის მოვლისთვის ნაკლები დრო გვრჩება. ამიტომ, გადავწყვიტეთ შემოგთავაზოთ რამდენიმე ვარიანტი, რომლებიც ძალიან გამოგადგებათ დროის უქონლობისას.
ფორების გაწმენდა
დილის ან საღამოს შხაპის მიღების პერიოდი თავისუფლად შეიძლება გამოიყენოთ ფორების გასაწმენდად. სანამ აბაზანაში შეხვალთ, გაიკეთეთ სქელი ნიღაბი. უმჯობესია ორმაგი მოქმედების პროდუქტს თუ შეარჩევთ, მაგალითად, თიხის ნიღაბი დეკოლტესთვის შეთავსებული ჰიალურონის მჟავასთან.
დაიბანეთ თავი, გაიკეთეთ ეპილაცია, გაიხეხეთ ტანი ღრუბლით, ნიღაბი კი მას შემდეგ მოიცილეთ, როდესაც ყველა პროცედურას დაამთავრებთ.
წყლის მაღალი ტემპერატურა ფორებს ხსნის და ინგრედიენტები კანში უფრო ღრმად აღწევს. სინესტე კი არ მისცემს ნიღაბს საშუალებას გამოაშროს სახის კანი.
პილინგი
კანის გაჯეტი პილინგისთვის შეუდარებელი საშუალებაა. ელექტრო ჯაგრისი ხარისხიანად ასუფთავებს კანს. აუცილებლად მოიცილეთ დღის მანძილზე დარჩენილი კოსმეტიკა და მტვერი პროცედურის დაწყებამდე. გაჯეტის რეგულარულად გამოყენებისას თქვენ აშაკარა ეფექტს მიიღებთ და დროსაც დაზოგავთ. ჯაგრისების უმრავლესობას დამონტაჟებული აქვს ტაიმერი, რომელიც მხოლოდ ორი წუთის განმავლობაში ასუფთავებს სახეს. გამოიყენეთ ის საღამოს. ამგვარად თავიდან აირიდებთ დილით ხანგრძლივ პროცედურებს.
დატენიანება
დატენიანება ყველაზე ადვილი და სწრაფი გზაა ჯანსაღი ფერის და რბილი კანის მისაღწევად. თუ გრძნობთ, რომ კანი გამომშრალი გაქვთ, უმჯობესია დამატენიანებელი საშუალებების დოზა გაზარდოთ. შესანიშნავი ვარიანტია – ჰიალურინის მჟავის ორი ტიპი (დაბალმოლეკულური და მაღალმოლეკულური), რომელიც იმუშავებს როგორც კანის ზედაპირზე, ასევე კანის სიღრმეში.
მულტი–ნიღაბი
ჩვენ უკვე მოგიყევით საჭირო და სასარგებლო ტენდეციებზე სახის კანის მოვლასთან დაკავშირებით. სხვადასხვა ფორმულების არჩევა სახის სხვადასხვა ნაწილისთვის გზა არის, რამდენიმე პრობლემის გადასაჭრელად. მაგალითად, იმისთვის, რომ განთავისუფლდეთ ცხიმისგან და შავი წერტილებისგან ტ ზონაზე.
მკვრივი ტექსტურა გაძლევთ საშუალებას, რომ 15 წუთის განმავლობაში პროდუქტი სახეზე არა მხოლოდ ჰორიზონტალურ
პოზაში გაიჩეროთ, არამედ სხვა საქმეებითაც დაკავდეთ. წაისვით ნიღაბი სამსახურის შემდეგ, სანამ ვახშამს მოამზადებთ და დაჯექით მაგიდასთან დასვენებული.
პლასტირი თვალებისთვის
დაღლილობა და არასაკმარისი ძილი, ყველაზე მეტად თვალების გარშემო ზონას ეტყობა. ჩაშავებული წრეები, დასიებული ქუთუთოები. სასწრაფო დახმარება ამ შემთხვევაში – თვალის საფენებია. კრემისგან განსხვავებით, პლასტირი ეხმარება კომპონენტებს კანში ღრმად შევიდეს.
მხოლოდ 10 წუთია საკმარისი რომ კანი დაიჭიმოს, ნაოჭები გასწორდეს და უძილობის ნიშნებიც გაქრეს. ამ დროის განმავლობაში შეგიძლიათ მიირთვათ საუზმე ან გაიკეთეთ ვარცხნილობა.
ანთების მკურნალობა
როდესაც მუწუკი მოულოდნელად ჩნდება კანზე, ამ შემთხვევაში დრო მნიშვნელოვანია. ამიტომ, ყოველთვის გქონდეთ თან კოტექტორი, რომლის შემადგენლობაშიც ანთების საწინააღმდეგო საშუალებები შედის. ასე თქვენ ორ კურდღელს დაიჭერთ: დაფარავთ პრობლემას და უმკურნალებთ მას დღის მანძილზე.
ღამით დრო არ დაკარგოთ: ძილის წინ ლოკალურად წაისვით ანთების საწინააღმდეგო გელი ან მალამო.
წყარო: marao.ge
