სრულიად საქართველოს მუსლიმთა სამმართველოს სასულიერო პირები მუფთ ბეგლარ ქამაშიძის ხელმძღვანელობით ერთკვირიანი ვიზიტით ირანის ისლამურ რესპუბლიკაში იმყოფებოდნენ. როგორც სამმართველოს განცხადებაში ვკითხულობთ „ყველაზე მნიშვნელოვანი და აღმაფრთოვანებელი იყო ისპაჰანში და ფერეიდანში მცხოვრებ ქართველებთან ნანატრი შეხვედრა“.
საქართელოს მუფტის მრჩეველმა და საზოგადოებასთან ურთიერთობის განყოფილების ხელმძღვანელმა თემურ გორგაძემ „თბილისი თაიმსთან“ საუბრისას აღნიშნა, რომ ქართველებთან შეხვედრა გაიმართა ისპაჰანში, სადაც ასევე ფერეიდანში მცხოვრები რამოდენიმე ქართველიც იმყოფებოდა, რომელთაც მუფთმა ქართულ ენაზე ნათარგმნი ყურანი და 200 ეგზემპლარი დედაენის წიგნები უსახსოვრა.
თემურ გორგაძე: „ფერეიდანში ვერ ჩავედით, თუმცა თავად იქ მცხოვრები რამოდეინმე ქართველი იმყოფებოდა ისპაჰანში ჩვენთან შესახვედრად. სრულიად საქართველოს მუფტი მათ დაპირდა, რომ ზაფხულში კიდევ ერთხელ ეწვევა, ამჯერად ფერეიდანში ჩავა და მოინახულებს იქ მცხოვებ ქართველებს.
შეხვედრაზე ძირითდად საუბარი ეხებოდა ქართული ენისა და ქართული კულტურის შენარჩუნებას, თუ რა როლი შეიძლება იათამაშოს სამუფტო სამმართველომ ამ კუთხით. აქედან წაღრბული გვქონდა 200-მდე დედაენის წიგნი, რომელც მომზადებული და დაბეჭილია სპეციალურად უცხოეთში მცხოვრები მოაჯირი ქართველებისთვის.“
ქართველებთან შეხვედრისას მუფთმა ხაზი გაუსვა ქართველების როლზე ირანის ისლამური რესპუბლიკის განვითარებაში შეტანილ წვლილზე, ასევე ესაუბრა მათ ისტორიულ სამშობლოზე საქართველოზე. შეხვედრის დასასრულს მუფთმა დალოცა ქართული ისტორიული დიასპორა და იმედი გამოთქვა, რომ მომავალში მსგავსი ვიზიტები სისტემატიური და ორმხრივი გახდება, რაც ხელს შეუწყობს ისპაჰანსა და ფერეიდანში მცხოვრებ ქართველების დედასამშობლოსთან კავშირის გაძლიერებას.
ვიზიტის ფარგლებში თხუთმეტ კაციან დელეგაციამ შეხვედრები გამართა მაღალი რანგის სასულიერო პირებთან, სადაც გაუზიარეს ერთმანეთს გამოცდილებები და ხაზი გაუსვეს ორ ქვეყანას შორის მეგობრულ და პარტნიორულ ურთიერთობების საჭიროებას სხვადასხვა სფეროებში.
„ეს ვიზიტი არ იყო ოფიციალური, უფრო გაცნობითი და საექსკურსიო ხასიათი ჰქონდა, ამიტომ რაიმე სახის შედეგების მოლოდინი არ გვქონია, თუმცა უნდა აღინიშნოს, რომ ძალიან დიდი მნიშნელობა აქვს მსგავსი ტიპის შეხვედრებს. პირველ რიგში იმიტომ რომ შევხდით ჩვენს ქართველ ძმებს გავიცანით ისინი, მოვეფერეთ მათ,“– აღნიშნა ბატონმა თემურმა.
ოფიციალური შეხვედრების გარდა, დელეგაციამ მოინახულა რელიგიური მუზეუმები, ბიბლიოთეკები, ისტორიული მეჩეთები და სხვა ღირსშესანიშნავი ადგილები. შეხვედრის ბოლოს სასულიერო ლიდერებმა ერმანეთს გადასცეს საჩუქრები და გადაიღეს სამახსოვრო ფოტოები.
ირანის ისლამურ რესპუბლიკაში ვიზიტი შედგა აიათოლა ალი სისტანის ირანში სრულუფლებიან წარმომადგენლის და საერთაშორისო ორგანიზაცია „ალულ-ბეითის“ ხელმძღვანელის აიათოლა შაჰრისტანის მიწვევით.
სოფიკო ნინიკაშვილი
