„ეკონომიკური თავისუფლების აქტი გვიცავს რამდენიმე რაღაცისგან. პირველი – ეს არის გადასახადების ზრდა. თუ ვნახავთ, ეკონომიკური თავისუფლების აქტში წერია, ის გადასახადები, რომელსაც ჭირდება რეფერენდუმი“. პარლამენტის წევრ, გია ჟორჟოლიანის ინიციატივაზე, ეკონომიკური თავისუფლების აქტის გაუქმებაზე და ამ ინიციატივის განხორციელების შესაძლო შედეგებზე, ეკონომისტმა, თავისუფალი და აგრარული უნივერსიტეტების ლექტორმა, ზვიად ხორგუაშვილმა „რუსთავი 2“-ზე, გადაცემა „კურიერის“ ეთერში ისაუბრა.
თავისუფლების აქტში წერია, საშემოსავლო გადასახადი, მოგების გადასახადი და დამატებითი ღირებულების გადასახადი. ეს სამი გადასახადი ქმნის ძირითადად, ბიუჯეტში საშემოსავლო ნაწილს. აქციზის გადასახადი არის ის გადასახადი, რომელიც საერთოდ არ წერია თავისუფლების აქტში და ჩვენ ვნახეთ, რომ აი მაღალი პროცენტულობით გაიზარდა. სწორედ ეს გვაძლევს ვარაუდის საფუძველს, რომ თუ აქციზის გადასახადი გაიზარდა, თავისუფლების აქტი რომ არ იყოს, რატომ არ გაზრდიდა მთავრობა სხვა გადასახადებსაც. იმის გამო, რომ მეტი შემოსავალი მიეღო ბიუჯეტში. რასაც რეფერენდუმი არ ჭირდებოდა, ის გადასახადები გაზარდა მთავრობამ და გაზარდა არა მცირედით, არამედ მაღალი პროცენტულობით. ზოგიერთი გადასახადი 300 %-ით გაიზარდა.
მნიშვნელოვანია ასევე ხარჯვითი ნაწილი. ამ ნაწილში მთავრობა ზღუდავს, რომ ბიუჯეტის დეფიციტი არ იყოს 3 %-ზე მეტი. ასევე ზღუდავს, რომ სამთავრობო ხარჯები გაყოფილი მთლიან შიდა პროდუქტზე, არ უნდა იყოს 30%-ზე მეტი. მთავრობა ყოველი ერთი ლარიდან, რაღაც გარკვეულ თანხას განკარგავს. ეს დოკუმენტი მას ზღუდავს, რომ ყოველი ერთი ლარიდან არ განკარგოს 30 თეთრზე მეტი. კერძო სექტორი უკეთესად განკარგავს თითოეულ თეთრს. ეს აქტი მთავრობას ზღუდავს ზომიერებაში,“-განაცხადა ზვიად ხორგუაშვილმა.
მანანა ღოღობერიძე