„საზოგადოების მნიშვნელოვან ნაწილს უჩნდება ეჭვი, რომ ყველაფერი ეს თავიდანვე იყო ჩაფიქრებული და ბორდმა შეარჩია ის წევრი, რომელიც შემდეგ ამას განახორციელებდა. მე პირადად მაქვს ეჭვი, რომ ამ ყველაფრის უკან დგას არა მხოლოდ ფორმალური ხელისუფლება, არამედ ის არაფორმალური ხელისუფალიც“. საზოგადოებრივი მაუწყებლის მენეჯმენტის გადაწყვეტილებაზე, გადაცემების ნაწილის შესაძლო შეჩერების საკითხზე, გადაცემა „ვექტორის“ ავტორმა და წამყვანმა, ირაკლი ტაბლიაშვილმა, „რუსთავი 2“–ზე, გადაცემა „კურიერის“ეთერში ისაუბრა.
„ყურადღებით ვადევნებდი თვალს საარჩევნო პერიოდს, როდესაც ვასილ მაღლაფერიძე ჯერაც არ იყო გენერალური დირექტორი, მას არ ჰქონდა მსგავსი რამ დაანონსებული. საზოგადოებრივი მაუწყებლის კრიზისიდანგამოყვანა ამგვარი ქირურგიული ჩარევების გარეშეც არის შესაძლებელი. 101 თანამშრომლის გათავისუფლების გარეშე, შესაძლებელია მისი მატერიალურ–ტექნიკური გადაიარაღება, თანხების ოპტიმიზაცია, არქივზე მუშაობა, დონორების მოწვევა. შესაძლებელია ასევე მთავრობის მიმართ თხოვნა, რომ დაახლოებით 5 მილიონი ევროთი შეეხიდოს საზოგადოებრივ მაუწყებელს, რადგან ეს არქივი არის ქვეყნის სიმდიდრე.
2017 წლის 6 თებერვლის მდგომარეობით, მე უმუშევარი არ ვარ, მაგრამ თუ სამეურვეო საბჭო ამ გადაწყვეტილებას მიიღებს, რომელიც შესთავაზა მენეჯმენტმა, არა თუ მე, არამედ 101 გადაცემის რამდენიმე ასეული თანამშრომელი ალბათ იქნება უმუშევარი, შესაბამისად იმ გეგმისა, რომელიც წარადგინა ვასილ მაღლაფერიძემ.
ეს ის ბორდია, რომლის ცალკეულმა წარმომადგენლებმა გასული წლის ნოემბერში მიიღეს გადაწყვეტილება 45 მილიონთან შედარებით, უმნიშვნელო თანხაზე, 200 ათასზე, მაგრამ გაისროლეს საერთო ეგზიტპოლებზე GDS-თან, იმედთან და მაესტროსთან ერთად, რომლის შედეგებიც არ დაემთხვა ცენტრალური საარჩევნო კომისიის შედეგებს,“–განაცხსდა ირაკლი ტაბლიაშვილმა“.
მანანა ღოღობერიძე
