„განვიხილეთ შავი ზღვის უსაფრთხოების განმტკიცების საკითხებიც. ყევლაფერს ვაკეთებთ,რომ ვიყოთ სანდო პარტიორი. რიგორც საჰაერო ისე საზღვაო და სახმელეთ კომპონენტში ჩვენი ინიციატივებით წარვდეგით“. ბრიუსელში ნატოს თავდაცვის მინისტერიალზე განხილული თემების და ორმხრივი თანამშრომლობის მომავალი გეგმების შესახებ, თავდაცვის მინისტრმა ლევან იზორიამ, ტელეკომპანია „იმედზე“, გადაცემა „ქრონიკის“ ეთერში ისაუბრა.
„ჩვენ ვაგრძელებთ ნატოში ინტეგრაციის პროცესს. გვქონდა შესაძლებლობა, რომ შევხვედროდით ჩვენი სტრატეგიული პარტნიორის, აშშ–ის თავდაცვის დეპარტამენტის მაღალჩინოსნებს, მათ შორის ხელმძღვანელ მატისს. მან კომისიის ფარგლებში საქართველოს მიმართ განსაკუთრებული მხარდაჭერა აღნიშნა, კიდევ ერთხელ დაადასტურა ბუქარესტის სამიტის გადაწყვეტილება, რომლის მიხედვითაც საქართველო შესაძლოა გახდეს ნატოს წევრი ქვეყანა.
ამ შესაძლებლობების რეალობად ქცევა ჩვენს წარმატებულ რეფორმებზეა დამოკიდებული. ნატოს თავდაცვის მინისტერიალზე საქართველო იყო ერთადერთი ქვეყანა, რომელთანაც ნატო–საქართველო კომისიის ფარგლებში წევრმა ქვეყნებმა შეხვედრები განახორციელეს.
აშშ–თან გავაფორმეთ სამი ხელშეკრულება, ერთ–ერთი მნიშვნელოვანი კომპონენტია საქართველოს თავდაცვის მზადყოფნის პროგრამა, ერთ–ერთი ელემენტია მეტი ინფრასტრუქტურა, მეტი წვრთნების ორგანიზება საქართველოში. ვაზიანში იგეგმება რეგიონში სამაგალითო სასწავლო ცენტრის შექმნა. იან სტოლტენბერგმა მკაფიოდ დააფიქსირა, რომ ნატო ოკუპირებული ტერიტორიების არაღიარების პოლიტიკას გააგრძელებს,“–განაცხადა ლევან იზორიამ.
მანანა ღოღობერიძე
