„ეს არის 6 თვის განმავლობაში შეწონილი რეიტინგები. ყურებადობის რეიტინგი იკლებს წლიდან წლამდე, ათი გადაცემა თავის ბეჭებზე ატარებს დანარჩენ ოცს. ამის გამო მაყურებელი მცირდება. როცა რეიტინგი არის ერთზე ნაკლები, გადაცემების ხარისხობრივ კვლევაში არავინ შედის“. საზოგადოებრივი მაუწყებლის მენეჯმენტის მიერ წარდგენილი შეთავაზების დეტალებზე, არხის გენერალური დირექტორის მრჩეველმა, ია ანთაძემ, „ტვ პირველზე“, გადაცემა „დიანა ტრაპაიძის დღის ამბებში“ ისაუბრა.
„ჩვენ გვაინტერესებდა რომელი იყო ის გადაცემები, რომლებიც მაყურებლის მეტ ინტერესს იმსახურებენ, ვიდრე ზოგადად არხი და რომელია ის გადაცემები,რომლის მაყურებელიც უბრალოდ გადართავს სხვა არხზე, როგორც კი გადაცემა იწყება. ჩვენ ვთავაზობთ სამეურვეო საბჭოს, რომ ყვითელ და მწვანე ზოლში მოყოლილი გადაცემები ეთერში უპირობოდ დავტოვით. დანარჩენი გადაცემები, რომლებიც მაყურებლის მიგრაციას იწვევს, შევთავაზეთ რომ მოიხსნას ეთერიდან.
იმის გამო, რომ არხის რეიტინგი მუდმივად იზრდებიდეს, არის საჭირო ცოდნა რომელ გადაცემას ჰაყვს ნაკლები მაყურებელი, ვიდრე არხს ზოგადად. ის, რომ არხზე უხარისხო გადაცემები კეთდება,არავის უთქვამს და ჩვენც ეს პარამეტრი არ დაგვიყენებია. საბჭო წაიკითხავს დოკუმენტს, ცხრილის საფუძვლებს, მიიღებენ გადაწყვეტიელბას რეფორმა უნდა გაგრძელდეს თუ უნდა შეფერხდეს,“–განაცხადა ია ანთაძემ.
მანანა ღოღობერიძე
