რუსთავის სარაგბო სტადიონზე “ბორჯღალოსნებმა” “რაგბი ევროპის ჩემპიონატის” ფარგლებში გერმანიის ნაკრები ანგარიშით 50:6 დაამარცხეს.
“ბორჯღალოსნებმა” პირველი ტაიმი ანგარიშით 21:6 მოიგეს. ქართველმა მორაგბეებმა დაწინაურება მალევე, მე-3 წუთზე გიორგი კოშაძის ლელოთი შეძლეს. მერაბ კვირიკაშვილმა უპრობლემოდ გარდასახა – 7:0.
ამ გამარჯვებით ჩვენმა ნაკრებმა ბონუს ქულა აიღო და სატურნირო ცხრილში 10 ქულით პირველ ადგილზე იმყოფება.
“რაგბი ევროპის ჩემპიონატის” მორიგ მატჩს საქართველოს მორაგბეთა ნაკრები სტუმრად ესპანეთთან 4 მარტს ჩაატარებს.