სრულიად საქართველოს კათოლიკოს-პატრიარქი უწმინდესი და უნეტარესი ილია მეორე თბილისშია. აეროპორტის დატოვებამდე უწმინდესი შეკრებილ მრევლსა და სასულიერო პირებს მიესალმა, დალოცა და მედიისათვის კომენტარიც გააკეთა, სადაც საპატრიარქოს ირგვლი ბოლო პერიოდში განვითრებულ მოვლენებსაც გამოეხმაურა:
„თქვენი ლოცვებით მშვიდობით დავბრუნდი გერმანიიდან ძალიან მძიმე ოპერაციის შემდეგ. მინდა მადლობა მოგახსენოთ თქვენი თანადგომისთვის, თქვენი ლოცვებისთვის. მინდა მადლობა მოვახსენო გერმანელ ხალხს, გერმანიის ხელისუფლებას, პროფესიონალებს, რომელთაც ყველაფერი გააკეთეს, რომ ეს ოპერაცია მშვიდობით დამთავრებულიყო. დალოცვილი იყავით. სამწუხარო ის არის, რომ აქ არასასიამოვნო მოვლენები განვითარდა. ჩვენ ვფიქრობთ შევისწავლოთ ხელისუფლებასთან ერთად ეს საკითხები და გამოიტანთ დასკვნას. დარწმუნებული ვარ, რომ ყველაფერი მშვიდობით და კარგად დამთავრდება. დალოცვილი იყავით. გაიხარეთ,” – განაცხადა კათოლიკოს-პატრიარქმა.
ილია მეორე აეროპორტიდან საპატრიარქოში გაემგზავრა.
შეგახსენებთ, რომ სრულიად საქართველოს კათოლიკოს-პატრიარქს ბერლინში, ჰელიოს ბერლინ ბუხის კლინიკაში 13 თებერვალს ნაღვლის ბუშტზე ოპერაცია ჩაუტარდა.
სოფიკო ნინიკაშვილი
