„აქ არის ფაქიზი ხაზი რომელიც სახელმწიფოსა და ეკლესიას შორის ურთიერთჩაურევლობაზე გადის. არ შეიძლება ამ ხაზების გადაბიჯება. ვხედავთ საფრთხეს, რომ შეიძლება მოხდეს ჩარევა ან პროვოცირება ადვოკატების მხრიდან, რომ ეკლესია ჩაერთოს გამოძიების პროცესში და ეს დაუშვებელია“. ამის შესახებ საპატრიარქოს ფონდის ხელმძღვანელმა, ლაშა ჟვანიამ, ტელეკომპანია „იმედზე“, გადაცემა „ქრონიკის“ ეთერში ისაუბრა.
„ადვოკატების პოზიცია სინოდის წევრმა მეუფეებმა მოისმინეს, საკმაოდ ხანგრძლივი შეხვედრა იყო. ადვოკატებს თავისი ფუნქცია აქვთ და სახელმწიფო ბრალდებას პროკურატურის სახით თავისი.
ყველაზე დაინტერესებული მხარე არის საქართველოს ეკლესია, მის წიაღში მოხდა დანაშაულის მხილება, პრევენცია, დაკავება. ბრადებული არის ერთ–ერთი მაღალი ხარისხის სასულიერო პირი. ამიტომ ეკლესიის და სინოდის უფლება იყო, რომ გაცნობოდნენ მტკიცებულებების ნაწილს. ეკლესია არაუფლებამოსილი ორგანო არ არის“.
ლაშა ჟვანია პატრიარქის დაცვის უფროსის შესაძლო გადადგომის შესახებ გავრცელებულ ინფორმაციასაც გამოეხმაურა.
„საპატრიარქოს ტერიტორია 8 ათასი კვადრატული მეტრია და შენობაც არანაკლები. ამიტომ შეიძლება მამა მიქაელს არ ენახა სოსო ოხანაშვილი ან უწმინდესის დაცვის თანამშრომლები. უწმინდესთან ჩემი ყოფნის დროს ის იქ არ ყოფილა“.
მანანა ღოღობერიძე
