„რაც დრო გადის უფრო მძიმდება სიტუაცია. მოჩვენებითად მიყუჩდა და კიდევ უფრო მეტად დამძიმდება, სანამ არ მოხდება ბოლომდე განმუხტვა და საზოგადოება არ გაიგებს სრულ სიმართლეს“. ამის შესახებ ჯვართამაღლების ტაძრის წინამძღვარმა, მამა თეოდორე გიგნაძემ „რუსთავი 2“-ზე, გადაცემა „არჩევანის“ ეთერში ისაუბრა.
„მე არ ვარ საქმის კურსში, არ მაქვს წვდომა ინფორმაციაზე, ვფიქრობ რითი შეიძლება ჩემი სიტყვა დაეხმაროს საზოგადოებას. არ უნდა ვთქვათ ტყუილი და მაქსიმალურად უნდა ვეცადოთ ვთქვათ სიმართლე, რადგან ძალიან ფაქიზი თემაა. მეეჭვება ამ თემაზე მტკივნეული რამე იყოს. ეს გაწელილი პროცესი მხოლოდ დაძაბულობას უწყობს ხელს. კდევ უფრო ბურუსით მოცული ხდება საქმე და კითხვის ნიშნები იმატებს და იმატებს.
ჩვენ სამშობლო თავზე გვემხობა. უამრავი პრობლემა გვაქვს და იმის მაგივრად, რომ ხელი ხელს ჩავჭიდოთ და საქმე ერთად ვაკეთოთ…საზღვრებს გვეცილებიან, როგორი გადინებაა მოსახლეობის, ფაქტობრივად, ჩვენ შეიძლება ხვალ გავიღვიძოთ და ჩვენმა შვილებმა ვეღარ დაინახონ საქართველო.
მე ძალიან მემარტივება, როდესაც ერთ ადამიანზე ვიშვერთ ხელს ან იქით, ან აქეთ.სად არის სიმართლე, რომელი მხარეა დამნაშავე, თუ მართლა ასეთი ადამიანი იყო ასე სწრაფად ასეთი პასუხისმგებლობები როგორ დააკისრეს, როგორ მოხდა, რომ საკმაოდ ახალგაზრდა ასაკში სწრაფად დაწინაურდა“, – განაცხადა მამა თეოდორე გიგნაძემ.
მანანა ღოღობერიძე
