“თავიდან ეს თემა ხუმრობა მეგონა და არამგონია ეს ჯანსაღი იყოს. ყველა ადამიანი, რომელიც ამ ფსევდოეკლესიაში მივიდა, გაწევრიანდა და რაღაც თანამდებობები მიიღო, საკუთარი თავი ეკლესიის გარეთ დააყენა, უარი თქვა მართლმადიდებლობაზე”. ამის შესახებ დეკანოზ ალექსანდრე გალდავამ “ტვ პირველზე”, გადაცემა “რეაქციის” ეთერში ისაუბრა.
“ჯარის კი არა სიკვდილის და წამების გამო არ უნდა თქვა უარი მართლმადიდებლობაზე. არ იციან, რომ ნათლობის დროს თქვეს, ვაღიარებ ერთ წმინდა კათოლიკე და სამოციქულო ეკლესიას.მათი ბრალია, რომ განათლება არ აქვთ. თუ ლიდერებმაც არ იციან პრობლემაა, და თუ იციან და განზრახ აკეთებენ გაცილებით დიდი პრობლემაა. ელემენტარულად 12 მოციქულის სახელს ვერ ჩამოთვლიან და რა ბიბლიურ თავისუფლებაზე საუბრობენ.
ყველაფერი ეწინააღმდეგება მართლმადიდებლურ ეკლესიას, რაც ამ დოქტრინაში არ ერთიანდება და სიმბოლოს არ აღიარებას. მართლმადიდებლობა აღმსარებლობაში ძალიან მკაცრია, დოგმატიკურ საკითხებში იოტისოდენა გადაცდენაც არ შეიძლება. ადამიანს რწმენას ვერაფერი შეურყევს ამ მხრივ, მაგრამ იცვლება იდენტობა, პროტესტანტული ეკლესიის წევრი ხდება. გამოდის, რომ ორი ეკლესიის წევრია ერთდროულად. თუ სავალდებულო სამხედრო გაწვევა აღარ იქნება ეს ეკლესია თუ აბსურდი გაქრება?” , – განაცხადა დეკანოზმა ალექსანდრემ.
მანჩო ღოღობერიძე