თბილისის ყოფილი მერი, ვანო ზოდელავა აზერბაიჯანის საზღვრიდან თბილისისკენ მომავალ გზაზე ავტოავარიაში მოყვა. ამის შესახებ მისი მეგობარი ზაზა შენგელია ინფორმაციას Facebook-ის საკუთარ გვერდზე ავრცელებს. მისი ინფორმაციით, ზოდელავას ჯანმრთელობის მდგომარეობა საგანგაშოა.
“დღეს ღამით, ჩემი უახლოესი მეგობარი ვანიკო ზოდელავა, მარჯვენა საჭიანი ტაქსით აზერბაიჯანის საზღვრიდან თბილისისკენ მომავალი, საშინელ ავტოკატასტროფაში მოჰყვა და მისი სიცოცხლე კითხვის ნიშნის ქვეშაა, იმ მანქანის მძღოლი რომელსაც ეს ტაქსი შეეჯახა – გარდაიცვალა და მარჯვენა საჭიანი ტაქსის მძღოლმა, რომელშიაც ვანიკო იჯდა, მსუბუქი დაზიანებები მიიღო მხოლოდ“, – წერს ზაზა შენგელია.
