„ამ ხელისუფლების პირობებში მიწა აღიარებულია, როგორც განსაკუთრებული რესურსი და დაცულია კანონმდებლობით. მიწა არის სტრატეგიული რესურსი და არც ერთი სხვა ხელისუფლების დროს ასე არ მომხდარა“ , – ამის შესახებ „ქართული ოცნების“ წევრმა, ზაზა გაბუნიამ „ტვ პირველზე“, „დიანა ტრაპაიძის დღის ამბების“ ეთერში ისაუბრა.
„შეკრების და მანიფესტაციის უფლება უზრუნველყოფილია, თუმცა ამ შემთხვევაში მანიფესტაციას და შეკრებას საფუძველი ან აზრი არ აქვს, მიზანი არაადეკვატურია. უადგილოა ნებისმიერი ორგანიზაციის მხრიდან ჭიქაში ქარიშხლის ატეხვა. კონსტიტუციაში შესაბამისი ჩანაწერი დაადასტურებს ჩვენს დამოკიდებულებას. ეს არის სოციალური განწყობა და ხელისუფლების ხედვა. მიწა არ დაკარგავს თავის ეკონომიკურ პოტენციალს. მორატორიუმი ყოველთვის არის დროებითი.
სექტემბერში კონსტიტუციაში ახალი ჩანაწერ იქნება. მანამ კი სამართლებრივი სივრცე არ უნდა ტოვებდეს შესაძლებლობას, რომ მიწები შესაძლოა უცხოელებზე იქნეს გასხვისებული. ჩვენთვის საზოგადოების ნებისმიერი ნაწილის აზრი, მათი მღელვარება მნიშვნელოვანია. არ ვაპირებთ ჩავრეცხოთ საზოგადოების რომელიმე ნაწილი, ყველა იმსახურებს პასუხს“ , – განაცხადა ზაზა გაბუნიამ.
მანანა ღოღობერიძე
