„საერთაშორისო გამჭვირვალობის“ კვლევას, დეპუტატების ბიზნესანგარიშების შესახებ საპარლამენტო უმრავლესობის მხრიდან პროტესტი მოჰყვა, ისინი „გამჭვირვალობას“ არაკომპეტენტურობას აბრალებენ და ანგარიშს არ ენდობიან. ამის შესახებ პარლამენტის ჯანდაცვის კომიტეტის თავმჯდომარემ, დიმიტრი ხუნდაძემაც ისაუბრა. ის „ქრონიკის
შეკითხვებს პასუხობდა.
„ახლაც იმავეს ვიტყვი, რასაც დიდი ხანია ვამბობ. ერთად მოვძებნოთ ის კომპანია, რომელიც თითქოს ჩემზეა დარეგისტრირებული. მე არასოდეს ბიზნესით არ ვყოფილვარ დაკავებული და არც მომავალში ვაპირებ, ეს არ არის ჩემი ინტერესი და პროფესია. აქ პრობლემაა,რომ „გამჭვირვალობა“ საუბრობს ბიზნესინტერესზე და არის მცდელობა,რომ კანონმდებლები წარმოაჩინონ, როგორც მეწარმეეები, თითქოს წილებით არიან დაკავებულები. ეს არის წინასაარჩევნოდ პოლიტიკური კამპანია. ჩემი პოლიტიკური იმიჯი არის აბსოლუტურად სუფთა.
საზოგადოების წინასაარჩევნო კამპანიაში „გამჭვირვალობა“ ჩაერთო. საზოგადოებას აბნევენ, ვეღარ გაიგეს ვინაა წესიერი, ვინ უწესო. მისამართი გვაქვს, მოდით გავაკეთოთ არარსებული საწარმოს ფონზე სიუჟეტი. ეს არის აბსოლუტური სიცრუე, დაანებონ თავი კანონმდებლების დისკრედიტაციას. ეს მისამართი ჩემი მშობლების სახლია, შესაძლოა გასულ საუკუნეში მამაჩემმა დამარეგისტრირა რაღაც შპს-ს დამფუძნებლად. მამაჩემი ახლა ავად არის და ვერ დავადგენ სიმართლეს, მაგრამ მე მახსოვს,რომ ეს ფირმა დარეგისტრირდა 1994 წელს, 1998 წლიდან ის არ ფუნქციონირებს, იყო 30 კვ.მ კვების ობიექტი“ , – განაცხადა დიმიტრი ხუნდაძემ.
მანანა ღოღობერიძე
