„კლებულობს ტურისტების რიცხვი,რომელიც ჩამოდის ქალაქის დასათვალიერებლად. ტურისტულ სააგენტოებში აცხადებენ,რომ ისინი მაქსიმუმ 2 დღეს ატარებენ თბილისში და შემდეგ გადიან კახეთში, ყაზბეგში და სხვა რეგიონებში“ , – ამის შესახებ „პარტიზანული მებაღეობის“ ხელმძღვანელმა ნატა ფერაძემ „რუსთავი 2“-ზე, გადაცემა „განსხვავებული აქცენტების“ ეთერში ისაუბრა.
„ვიყავი ალეკოს აქტიური მხარდამჭერი, თუმცა ეს არ ნიშნავს,რომ ის იყო უპირობო ლიდერი და რაც არ უნდა გააკეთოს მხარს დავუჭერ, გუშინ მე დავინახე დიდი შეცდომა ალეკოს ქცევაში. ადამიანურ დონეზე ისიც გაუგებარია, როცა ქალს ეჭიდავებიან და ამ დროს ალეკო იჯდა, ჯერ ბორჯომს სვამდა და მერე იდგა. ამან ჩემი სასოწარკვეთა გამოიწვია. არჩევნებზე ხმას მივცემ არა კალაძეს. თუ მეორე ტურში გავა ელისაშვილი, მივცემ ხმას. თუ მეორე ტურში გავა ზაალი ან ელენე, მას მივცემ ხმას.
დღეს რომ რეკრეაციულ ზონებს „ნაციონალური მოძრაობა“ და ირაკლი აბესაძეც იცავს, წინგადადგმული ნაბიჯია. ისინიც ხვდებიან,იმდენად მაღალი საზოგადო მოთხოვნაა. ოცნებას რომ უთხრან,რომ გადააგდებენ, დაიწყებენ ამ თემით სპეკულირებას. კალაძემაც ლამის ნარმანიას ჩემი სიტყვები უწოდოს, ისეთ აქციებს ატარებს.
ვინ მოიფიქრა,რომ ქალაქის თავზე საბაგიროები შეიძლება. ერთი ჭორვილელი ხიხო მთლიანად უცვლის ჩემს ქალაქს გარეგნობას, ამაზე იცვლება კანონები. იმის ნაცვლად,რომ სარეკრეაციო ზონები დაგვიმატონ, უკვე არსებულს უცვლიან ფუნქციას და იწყებენ მშენებლობას. ჩვენი ცენტრი უკვე გვაწვება თავზე და შეუძლებელი ხდება ცხოვრება“ , – განაცხადა ნატა ფერაძემ.
მანანა ღოღობერიძე