შოტლანდიაში მსოფლიოში პირველი მოტივტივე ქარის წისქვილი გაიხსნა. ეს ინსტალაცია 20 ათას მაცხოვრებელს უზრუნველყოფს ელექტროენერგიით. ნიკოლა ფერგიუსონ სტარჯონმა , შოტლანდიის პირველმა მინისტრმა, საფუძველი ჩაუყარა აღნიშნული პროექტის განხორციელებას შოტლანდიაში. ინსტალაცია ქალაქ პეტერჰედის სანაპიროდან 25 კმ-ში მდებარეობს.
პროექტი წარმოადგენს სტატოილის, ნორვეგიული კომპანიის 15 წლიანი შრომის კულმინაციას. ტურბინების სიმაღლე 253 მეტრია, წონა 1,200 ტონა. უახლოეს მომავალში მინისტრის განცხადებით კიდევ რამდენიმე მსგავსი ინსტალაცია დამაგრდება სანაპიროზე. გარემოსდამცველების მხრიდან პროექტი უკვე შეფასდა,როგორც შოტლანდიისა და დიდი ბრიტანეთის მიერ გადადგმული სწორი პოლიტიკური ნაბიჯი,რომელიც მხარს უჭერს ახალი ენერგო წყაროების შესაქმენელი პროექტების განვითარებასა და დანერგვას ქვეყანაში.
შოტლანდიაშია ასევე მსოფლიოში პირველი წყალქვეშა წისქვილების პროექტი,რომელიც 175 ათას მცხოვრებს უზრუნველყოფს ელექტროენერგიით. მსგავსი ტექნოლოგიური პროექტები უწყობენ ხელს სუფთა და გარემოსთვის არასაშიში ენერგიით მოსახლეობის მომარაგებას.
ამ მხრივ მნიშვნელოვანი სიახლეა ტექსასში, სადაც ინერგება მსოფლიოში ყველაზე დიდი ქარის წისქვილის ელექტროსადგურის მშენებლობა. ეს ნაგებობები საერთო ჯამში საათში მილიონ მეგავატ სუფთა ელექტროენერგიას გამოიმუშავებენ. ეს ელექტროენერგია 90 ათას ამერიკელ მცხოვრებს მოხმარდება. თითოეული ნაგებობა 91 მეტრის იქნება სიმაღლეში.
ამ მხრივ სიახლეებს ნერგავს კომპანია „ტესლაც“,რომელიც ავსტრალიაში ცდილობს იმგვარი ელექტროსადგურის აშენებას,რომელშიც კომბინირებული იქნება,როგორც ქარის წისქვილების,ისე მზის ენერგიის პანელები და ისინი ერთობლივი ძალისხმევით მოამარაგებენ პროექტის ფარგლებში განსაზღვრული რაოდენობით 35 ათასამდე მცხოვრებს. პროექტი 160 მილიონი დოლარი ჯდება.
წყარო : futurism.com
ნატია კეკენაძე
