„ივანიშვილი მიდიოდა პოლიტიკიდან და დატოვა ნარმანია, უთხრა თბილისელებს, რომ აგარჩევინებთ ამ კაცს. ის მოხვდა გაუგებრობაში და ალბათ ბედნიერია,რომ ეს გაუგებრობა მთავრდება“ , – ამის შესახებ თბილისის ყოფილმა მერმა, „ევროპული საქართველოს“ ერთ-ერთმა ლიდერმა გიგი უგულავამ „ტვ პირველის“ ეთერში ისაუბრა.
„თბილისის მერი ქალაქის და მალე ქვეყნისთვის ყველაზე მაღალი თანამდებობა იქნება. გუნდის წევრები ამ ადამიანს ძალიან უსინდისოდ ექცევიან. ივანიშვილს კონკრეტული მიზანი ჰქონდა, თბილისელებო, ნარმანიას დაგასვამთ თავზე. ნულოვანი მხარდაჭერა ჰქონდა ნარმანიას გუნდიდან და კიდევ ბევრი შეძლო.
ყველა დროს სჭირდება თავისი პასუხი, რადგან ყველა დროს თავისი გამოწვევა აქვს. დღეს სულ სხვა პრობლემები დგას, ვიდრე იყო ჩემს დროს. არ მინდა წინამორბედებისკენ ხელის გაშვერა, მაგრამ როცა მერი გავხდი იყო რამდენიმე ლამპონი, ე.წ კარალოკის განათება, ქუჩები სავსე იყო ორმოებით, კატასტროფული იყო დასუფთავება. საბავშვო ბაღებზე ჩვეულებრივად არასწორი, პოპულისტური გზა აირჩია „ქართულმა ოცნებამ“. პრობლემა არის მისი შენახვა და არა აშენება.
თაბუკაშვილის ფორმა იყო შეცდომა, შემიძლია აღიარება. თავიდან ბოლომდე იყო უკანონოდ აშენებული. ქაოსიდან მინიმალურ წესრიგამდე გადავდიოდით, თუმცა არის საკითხები,რომელიც უნდა გადაწყვიტო. ეს იყო მერიის გადაწყვეტილება და პასუხისმგებელი ვარ მე. ღმერთმა ქნას,რომ ნაკლები ჰქონდეს მტკივნეული გადაწყვეტილებები მისაღები მომავალ მერს“ , – განაცხადა გიგი უგულავამ.
მანანა ღოღობერიძე
