საქართველოს ნაკრების ფეხბურთელის, გურამ კაშიას მიერ ლგბტ თემის სიმბოლოს, ფერადი კაპიტნის სამკლაურის გაკეთების შესახებ „ქართული მარშის“ ერთ-ერთმა ლიდერმა სანდრო ბრეგაძემ „იბერიას“ ეთერში, გადაცემაში „ცენზურის გარეშე“ ისაუბრა.
„ქართული საზოგადოების უმრავლესობა ეთანხმება, რომ საქართველოში,როგორც ძირძველი ტრადიციების ქვეყანაში არ შეიძლება ჰომოსექსუალიზმის პროპაგანდა იქცეს ნორმად საზოგადოებრივი ცხოვრების სხვადასხვა სფეროში. ფეხბურთის ფედერაციასთან ვატარებთ აქციას, რომელიც მიმართული იქნება ლგბტ პიროვნების პროპაგანდის წინააღმდეგ.
ეს ტენდენცია სამწუხაროდ დაინერგა. პროპაგანდისტებმა შეაღწიეს ჟურნალისტიკაში, კულტურაში, პოლიტიკაში და ახლა უნდათ შეაღწიონ სპორტშიც. ქართველებს სპორტი უყვართ და ამიტომ პირველი დარტყმა ფეხბურთით დაიწყეს. არ შეიძლება მიმდინარეობდეს გარყვნილების და უზნეობის პროპაგანდა, რომელიც დამღუპველია ქართული საზოგადოების მომავლისთვის. ჩვენი მთავარი მისიაა ხელოვნურად შექმნილი პროპაგანდისტული მანქანის შეჩერება და დამსხვრევა.
ბევრი ადამიანი, რომელიც ამით არის დაკავებული, საერთოდ არ ფიქრობს სინამდვილეში ასე. მათ შეუძლიათ სული გაყიდონ იმისთვის, რომ მატერიალური კეთილდღეობა ჰქონდეთ. კაშიამ საზოგადოებას ცივი წყალი გადაასხა და განაცხადა, რომ მასის აზრი არ აინტერესებს“ , – განაცხადა სანდრო ბრეგაძემ.
მანანა ღოღობერიძე