პატრიარქის მოსაყდრემ სახარებიდან კეთილი სამარიტელის იგავზე ისაუბრა.
„განურჩევლად რელიგიისა, ეროვნებისა ყველას მიმართ ჩვენ უნდა ვიყოთ მოყვასი. უფლისთვის მთავარია ჩვენს გულში ჩავიხედოთ რომ არ იყოს გულცივობა, გულქვაობა, იყოს მოწყალება და სიყვარული. რამეთუ მოწყალებაა გზა ღვთისკენ. საუკუნო ცხოვრების ერთ-ერთი საწინდარია სამარიტელისებური თვისება მოწყალებისა. ჩვენ დღეს, ისე როგორც არასდროს, გვესაჭიროება ეს თვისება”,- ბრძანა პატრიარქის მოსაყდრემ.
მეუფე შიო ბათუმში მომხდარ ტრაგიკულ შემთხვევასაც გამოეხმაურა.
პატრიარქის მოსაყდრის თქმით, სასულიერო პირები ლოცულობენ დაღუპულთა სულების მოსახსენებლად. მეუფემ დაღუპულთა ოჯახებს მხნეობა უსურვა.
ილია მეორემ სრულიად საქართველოს კათოლიკოს-პატრიარქის მოსაყდრე გიორგობის დღესასწაულზე დაასახელა.
გაზიარება
