სადაზღვევო ბაზრის ლიდერი წმინდა მოგების კუთხით, კომპანია “ალდაგია.” დაზღვევის ზედამხედველობის სამსახურის მიერ გამოქვეყნებული ინფორმაციით, სწორედ ამ კომპანიაზე მოდის ბაზრის მოგების 80%.
2017 წელს სადაზღვევო კომპანიების წმინდა მოგებამ 20.34 მლნ ლარი შეადგინა, რაც 2016 წლის მაჩვენებელს 1.48 მლნ ლარით აღემატება.
დაზღვევის ზედამხედველობის სამსახურის ინფორმაციით, გასულ წელს დასაზღვევო კომპანიების აქტივებმა 580 მლნ ლარი, ხოლო კაპიტალმა – 154 მლნ ლარი შეადგინა.
გარდა ამისა, 2017 წლის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 441 მლნ ლარი შეადგინა.
