რეჟისორ ზაზა ურუშაძის ქართულ-ესტონური ფილმი „მანდარინები“ IMDb-ის 250 საუკეთესო ფილმს შორის მოხვდა.
IMDb-ის დასახელებულ ტოპ 250 საუკეთესო ფილმებს შორის „მანდარინები“ 243-ე ადგილს იკავებს. მისი რეიტინგია 8.3 (8.3/10), ხოლო ხმა უკვე 27, 073 მომხმარებელს აქვს მიცემული.
„მანდარინები“ ქართულ-ესტონური პროექტია, რომლის რეჟისორი ზაზა ურუშაძეა. ფილმი 2013 წელს გადაიღეს. 2015 წელს „მანდარინები“ ნომინირებული იყო ოსკარზე საუკეთესო უცხოენოვანი ფილმის ჯილდოზე. ასევე – ოქროს გლობუსის საუკეთესო უცხოენოვანი ფილმის ნომინაციაში. დაფინანსების დიდი ნაწილი ესტონურმა მხარემ გაიღო და ორივე შემთხვევაში (ოქროს გლობუსსა და ოსკარზე) მისი ნომინირების უფლებაც თავად დაიტოვა.
IMDb არის ფილმების, მსახიობების, ტელეგადაცემების, სერიალებისა და ვიდეო თამაშების ინფორმაციის უმსხვილესი ონლაინ ბაზა. 250 საუკეთესო ფილმი IMDb-ის ვერსიით -მსოფლიოს საუკეთესო მხატვრული ფილმების სია, რომელიც საიტზე, IMDb-ზე დარეგისტრირებული მომხმარებლების მიერ იქმნება ფილმებისთვის დაწერილი შეფასებების საფუძველზე.
ნინი მაზიაშვილი
