„სოციალური დახმარების შესახებ“ კანონში ცვლილებები შევიდა. სპეციალური საჭიროების მქონე ბავშვებს, რომლებსაც მინდობით ზრდიან, სახელმწიფო დაფინანსებას უზრდის. ცვლილება შემდეგში მდგომარეობს: ნათესაურ მინდობით აღზრდაში განთავსებული ბავშვისათვის – თვეში 200 ლარი; რეგულარულ მინდობით აღზრდაში განთავსებული ბავშვისთვის – ერთი კალენდარული დღისათვის 15 ლარი. ნათესაურ მინდობით აღზრდაში განსხვავებული საჭიროების მქონე ბავშვისათვის – თვეში 300 ლარი.
გადაუდებელ მინდობით აღზრდაში განთავსებული ბავშვისთვის – ერთი კალენდარული დღისათვის 20 ლარი; ჩამნაცვლებელ მინდობით აღზრდაში განთავსებული განსხვავებული საჭიროების მქონე ბავშვისთვის – ერთი კალენდარული დღისათვის 20 ლარი. რეინტეგრაციის შემწეობა ბავშვისათვის – თვეში 90 ლარით განისაზღვრა. განსხვავებული საჭიროების მქონე ბავშვისათვის – თვეში 130 ლარით.
საქართველოში მინდობით აღზრდაში 1474 ბავშვია, საიდანაც 219 შშმ სტატუსის, 40 კი განსხვავებული საჭიროების მქონეა.
ნინო ზარიძე