ფინანსთა სამინისტროს შემოსავლების სამსახურის ცნობით, 2017 წლის 1-ლი ივლისიდან დღემდე ლარში ფასის მითითების დარღვევის 429 შემთხვევა დაფიქსირდა.
აქედან, 377 შემთხვევაში მეწარმე სუბიექტებს მხოლოდ გაფრთხილება მიეცათ, ხოლო 52 შემთხვევაში ფულადი სანქცია დაეკისრათ.
50 მეწარმე სუბიექტს 1 000-ლარიანი ჯარიმა, ხოლო 2 მეწარმეს 5 000-ლარიანი ჯარიმა დაეკისრათ. შესაბამისად, საანგარიშო პერიოდში სამართალდარღვევებზე ჯამში, 60 ათასი ლარის ოდენობის ჯარიმაა გამოწერილი.
2017 წლის 1-ელი ივლისიდან, მეწარმე ვალდებულია საქართველოს ტერიტორიაზე ქონების რეალიზაციისა და მომსახურების გაწევის შეთავაზების ან რეკლამირების შემთხვევაში, ფასი ლარით მიუთითოს.
