ფოთში არასრულწლოვანმა „ბევრილჯგუფის“ მაღაზიაში ნაყიდი ქიმიური საწმენდი ნივთიერება „კროტი” შეჭამა. არსებული ინფორმაციით, ბებიამ ექვსი წლის შვილიშვილისთვის ტკბილეული შეიძინა, თუმცა გამყიდველს შეფუთვა შეეშალა და ქალს სადეზინფექციო ნივთიერება „კროტის” გრანულები მიჰყიდა.
არასრულწლოვანი ქალაქის ცენტრალურ კლინიკურ საავადმყოფოში მწვავე ინტოქსიკაციით მიიყვანეს. ოჯახის გადაწყვეტილებით, პაციენტი იაშვილის სახელობის კლინიკაში რეანომობილით გადაიყვანეს.
,,არ ვიცი ბებიას შეეშალა, თუ მაღაზიის გამყიდველს. ბავშვს ნივთიერება არ გადუყლაპია, პირში ჩაიდო თუ არა მთლიანად დაეწვა პირის ღრუ. ენა დანით ათლილივითაქვს,“-განუცხადა ჟურნალისტებს მოზარდის მეზობელმა.
.,,ბევრილ ჯგუფში“ ამბობენ, რომ შეცდომა როგორც გამყიდველის, ისე ბებიის ბრალიცაა.
,,ეს ადამიანური შეცდომაა, რომელიც გამყიდველს მოუვიდა, მაგრამ ბებიაც არ დააკვირდა, რას ყიდულობდა“,-აცხადებენ კომპანიაში.
მოზარდი იაშვილის სახელობის კლინიკაში მკურნალობს.
