შეფასებისა და გამოცდების ცენტრის ინფორმაციით, Emercoin-ი შექმნის Blockchain სისტემას, რომლის მეშვეობითაც უმაღლესი სასწავლებლების კურსდამთავრებულები ცოდნის დამადასტურებელი დიპლომისა და ოფიციალურად დამოწმებული სერტიფიკატების შენახვას დაცულ პლატფორმაზე შეძლებენ. Emercoin-ის საპილოტე პროექტი თბილისის ბიზნესისა და ტექნოლოგიების უნივერსიტეტისთვის შეიქმნა და ის სხვა სასწავლებლებისთვისაც იქნება ხელმისაწვდომი. ამ სისტემის მეშვეობით, დიპლომების გაყალბების შესაძლებლობა საკმაოდ შემცირდება.
„თბილისი თაიმსი“ საქართველოში დამზადებული ყალბი დოკუმენტების სტატისტიკით დაინტერესდა. ჩვენ საქართველოს შინაგან საქმეთა სამინისტროს დავუკავშირდით.
,,საქართველოს სისხლის სამართლის კოდექსის 362 მუხლით (ყალბი დოკუმენტის, ბეჭდის, შტამპის ან ბლანკის დამზადება, გასაღება ან გამოყენება) 2017 წელს საქართველოს ყველა საგამოძიებო უწყების მიერ რეგისტრირებულია 1438 (ათას ოთხას ოცვდათვრამეტი) დანაშაული. ხოლო, 2018 წლის იანვარ–მარტის პერიოდში 471 (ოთხას სამოცდათერთმეტი) დანაშაული“-განაცხადეს სამინისტროში.
ნინო ზარიძე
