“გირჩი” განათლების ალტერნატიულ სისტემას ქმნის და არსებულს ბოიკოტს უცხადებს. ამ საკითხზე პარტიის ლიდერებმა პრეზენტაცია გამართეს, სადაც მხარდამჭერებს ამ სფეროსთან დაკავშირებით საკუთარი ხედვა გააცნეს.
თავისუფალი და სწორი აზროვნება, საკუთარი ინტერესის სფეროს პოვნა და კონკურენციის ელემენტები. სწორედ ეს იქნება გირჩის განათლების პროირიტეტი. პარტიის წევრები ჯერჯერობით საგანმანათლებლო პროცესის ფორმებზე ვერ საუბრობენ და აცხადებენ, რომ ეს მსურველების რაოდენობის მიხედვით განისაზღვრება.
პარტიის წარმომადგენლების განცხადებით ეს გირჩის პროექტებს შორის ყველაზე მასშტაბური პროექტი იქნება.
