საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, განათლების რეფორმის ფარგლებში, ინფრასტრუქტურული მიმართულებით დაგეგმილი პროექტების პრეზენტაციის წარდგენისას იმ პრიორიტეტებზე ისაუბრა, რაც უწყების მიერ თანმიმდევრულად, საჭიროებებიდან გამომდინარე განხორციელდება.
მინისტრის თქმით, ცხადია, ყველა პრობლემა მოკლე ვადაში ვერ გადაიჭრება, მაგრამ პროცესი დაწყებულია და პირველ რიგში პროექტები განხორციელდება იქ, სადაც ამის ყველაზე დიდი საჭიროება არსებობს:
„სისტემური მიდგომით შევქმენით საჭიროებების ბაზა და მოვახდინეთ პრიორიტეტების სწორად განსაზღვრა. პირველ რიგში პროექტები განხორციელდება იმ სკოლებში, სადაც ამის ყველაზე დიდი საჭიროება არსებობს“ – განაცხადა მიხეილ ბატიაშვილმა და აღნიშნა, რომ უმნიშვნელოვანესი იქნება არა მხოლოდ დედაქალაქის, რეგიონების სკოლების განვითარება, რასაც სამინისტრო პარტნიორებისა და საერთაშორისო ორგანიზაციები ხელშეწყობით განახორციელებს.
