საქართველოს საგანგებო და სრულუფლებიანმა ელჩმა გიორგი ჯანჯღავამ ქ. ანკარის ართვინის, შავშეთისა და მეიდანჯიქის კულტურისა და ტურიზმის საზოგადოებას საქართველოს საგრეო საქმეთა სამინისტროს მხარდაჭერით დამზადებული ქართული ენის შემსწავლელი სახელმძღვანელოები გადასცა.
ღონისძიებაზე საქართველოს ელჩმა სტუმრებს მისასალმებელი სიტყვით მიმართა. გიორგი ჯანჯღავამ ხაზი გაუსვა, რომ დიასპორის საკითხებს საგარეო საქმეთა სამინისტროს საქმიანობში ერთ-ერთი პრიორიტეტული ადგილი უჭირავს და სამინისტრო გამოდის სულ უფრო მეტი ახალი ინიციატივით საზღვარაგრეთ ქართული დიაპორის გასაძლიერებლად და სამშობლოსთან მათი კავშირის უზრუნველსაყოფად. ელჩმა დიასპორის წარმომადგენლებს ასევე გააცნო საქართველოს მთავრობის ახალი ინიციატივა დიასპორული ვებ-პორტალის შესახებ.
აღნიშნული საზოგადოების ხელმძღვანელობამ მადლობა გადაუხადა როგორც საქართველოს საგარეო საქმეთა სამინისტროს, ასევე საქართველოს საელჩოს გამოჩენილი ყურადღებისა და მზრუნველობისათვის და გამოთქვა მჭიდრო თანამშრომლობის გაგრძელების სურვილი.
აღსანიშნავია, რომ საგარეო საქმეთა სამინისტრომ დაიწყო „საკვირაო სკოლების მხარდაჭერის პროგრამის“განხორციელება, რომლის ფარგლებშიც საქართველოს განათლების, მეცნიერების, კულტურისა და სპორტის სამინისტრომ საზღვარგარეთ არსებული საკვირაო სკოლებისათვის მოამზადა ქართული ენის ინტეგრირებული პროგრამა. საკვირაო სკოლებისთვის განკუთვნილი სახელმძღვანელო სწორედ აღნიშნულ ინტეგრირებულ პროგრამაზე დაყრდნობით შეიქმნა.
