„მამაჩემი დაკარგავდა სამსახურს, თუ მე არ შევწყვეტდი აქტიურობას,“ – ამის შესახებ „აუდიტორია-115“-ის წევრმა ნათია ქარჩილაძემ ტელეკომპანია „იმედის“ ეთერში, გადაცემა „ქრონიკის სტუდიაში“ ისაუბრა.
„მამაჩემი არის სპორტის დეპარტამენტის თანამშრმელი ოზურგეთში. უნივერსიტეტში მიმდინარე პროცესების დროს ის დაიბარა დირექტორმა და უთხრა, რომ დაკარგავდა სამსახურს თუ მე არ შევწყვეტდი საპროტესტო აქციებში მონაწილეობას. ასევე დაახლოებით თვე-ნახევრის განმავლობაში პოლიცია ურეკავდა ჩემს ახლობლებს და იძიებდა ინფორმაციას ჩვენი ოჯახის წევრების საქმიანობის შესახებ. სამწუხაროდ ეს არ არის ერთადერთი შემთხვევა. „აუდიტორია-115“-ში 300-მდე მუდმივი წევრია და მათგან 15 მდე შემთხევავა ვიცი,რომელთა ოჯახის წევრებზეც ახდენდნენ ზეწოლას. ისინი ამაზე საჯაროდ ვერ საუბრობენ მხოლოდ იმიტომ, რომ ეშინიათ არ ასრულდეს მუქარა და მათი ახლობლები სამსახურის გარეშე არ დარჩნენ. პრემიერი დამეთანხმა,რომ ეს პოლიციური რეჟიმი არის დასაგმობი და მოგვცა პირობა,რომ მსგავსი ზეწოლა „აუდიტორია- 115“ ის წევრებზე აღარ განმეორდება,“ – ამბობს „აუდიტორია-115“-ის წევრი.
მანჩო ღოღობერიძე
