საქართველოს საგარეო საქმეთა სამინისტრო იტალიაში მყოფი საქართველოს მოქალაქეების საყურადღებოდ განცხადებას ავრცელებს.
26 ოქტომბერს, ცენტრალურ იტალიაში (მარკეს რეგიონი), ორი ძლიერი მიწისწძვრა მოხდა. მიწისქვეშა ბიძგებმა რიხტერის შკალით 5.4 და 6.2 მაგნიტუდა შეადგინა.
სამინისტროს ინფორმაციით, იტალიური მხარე დაღუპულთა და დაშავებულთა შორის საქართველოს მოქალაქეების არსებობას არ ადასტურებს.
მათივე ცნობით, იტალიის რესპუბლიკაში საქართველოს საელჩო მუდმივ კავშირზეა იტალიის შესაბამის სამსახურებთან.
იტალიაში მომხდარ მიწისძვრასთან დაკავშირებით ქალაქ რომში, საქართველოს საელჩოში მოქმედებს ცხელი ხაზი: (+39 333) 887 91 23.
საქართველოს საგარეო საქმეთა სამინისტროს საკონსულო დეპარტამენტში ასევე მოქმედებს ცხელი ხაზი: (+995 32) 294 50 50.
