გიორგი ჯიქიამ კარატე საკუთარ ცხოვრებად აქცია და მომავალი თაობისთვის მისაბაძიც გახდა. კარატე მისთვის მხოლოდ სპორტი არ არის, – კარატე, საქართველო რომ ასახელოს, უმთავრეს საშუალებად აქცია.
გიორგი დღეს ამერიკაში ცხოვრობს და სპორტულ კარიერასაც იქვე აგრძელებს. სწორედ რომ ამერიკიდან მოიწვია საქართველოს კარატეს ეროვნულმა ფედერაციამ სამშობლოში ეროვნულ ჩემპიონატზე მთავარ მსაჯად მოიწვია, რაც ძალიან დიდი შეფასებაა ჩემი რესპონდენტისთვის, როგორ მსოფლიო დონის სპორტსმენ.
გიორგი ჯიქიას სპორტული კარიერა შემდეგნაირად გამოიყურება: მსოფლიო ჩემიონი შოტოკანში, იაპონია, 2007 წელი; მსოფლიო თასი, პირველი ადგილი, უკრაინა, 2008 წელი; მსოფლიო თასი, პირველი ადგილი, საფრანგეთი, 2010 წელი; მსოფლიო ჩემპიონი, მსოფლიო შოტოკან კარატეს კავშირის ეგიდით, თურქეთი, 2012 წელი; კარატეს მეორე საერთაშორისო ჩემპიონატის გამარფჯვებული, დუბაი, 2013 წელი; სტამბულის მეოთხე საერთაშორისო ჩემპიონატი, – “ღია სტამბული” მსოფლიოს კარატეს ფედერაციის ეგიდით, მესამე ადგილი, 2014 წელი; “ღია ნიკოლაევი”, მსოფლიოს კარატეს ფედერაციეს ეგიდით, მესამე ადგილი, 2015 წელი; შოტოკანის ევროპის მეშვიდე ჩემპიონატი, მეორე ადგილი, 2015 წელი; “ღია ნიუ იორკი”, პირველი ადგილი, მსოფლიოს კარატეს ფედერაცია, 2016 წელი. და ეს არასრული ჩამონათვალია ჯიქიას სპორტული მონაგარიდან…
გიორგი, როგორ დაიწყო კარატეში შენი კარიერა?
– კარატეში კარიერა დაიწყო მაშინ, როდესაც ჯერ კიდევ ოთხი წლის ვიყავი, ქალაქ ზუგდიდში. ჩემი პირველი მასწავლებელი მამუკა ყურაშვილი იყო. ნათლიაჩემის სურვილი იყო, რომ კარატეს ოსტატი გავმხდარიყავი.
სენსეის როგორ გაიხსენებ?
– მამუკა სენსეი ძალიან ყურადღებიანი და მზრუნველი იყო, როგორც ჩემს მიმართ, ისე სხვა ყველა მოსწავლისადმი. მაწვდიდა ყველა სიახლეს, რაც კარატეს ეხებოდა, მაქსიმუმს აკეთებდა ჩემთვის. 13 წლამდე მამუკა იყო ჩემი სენსეი, ხოლო 13 წლის ასაკიდან უკვე საქართველოს კარატეს ეროვნული ფედერაციის პრეზიდენტის, შიხანი კახა ბასილიას სურვილით ჩვენი ქვეყნის ეროვნულ ნაკრებში ჩავირიცხე. იმ დღიდან ჩემმა სპორტულმა კარიერამ პროგრესი განიცადა, რაც ბატონი კახას პროფესიონალიზმმა და ჩემდამი დამოკიდებულებამ განაპირობა.
ბოლოს რა ჩემპიონატი მოგიე, რითაც შეგიძლია იამაყო?
– 2015 წელს ევროპის ჩემპიონატზე, ინდივიდუალურ კუმიტეში 67 კგ. წონით კატეგორიაში II ადგილი ავიღე და ამავე ჩემპიონატზე გუნდური პირველი ადგილიც დავიკავე. ეს ძალიან პრესტიჟული ჩემპიონატია და საკმაოდ რთული მოსაგებია. ასე რომ, საამაყო ამ შემთხვევაშიც მაქვს.
რამდენი ბრძოლა ჩაატარე და რომელი გაგიჭირდა?
– 6 ბრძოლა ჩავატარე და, სიმართლე გითხრათ, ფინალში გამიჭირდა, რადგან ძალიან გამოცდილი და ტიტულოვანი მოწინააღმდეგე მყავდა, შედეგიც შესაბამისი მივიღე.
იმედია ტრავმები არ გაქვს და უახლოეს ჩემპიონატებს არ გამოტოვებ…
– საბედნიეროდ, ამჟამად არ მაქვს ტრავმები, მითუმეტეს, რომ კარატე საკმაოდ მაღალი რისკების შემცველია და ხშირად გვაქვს დაზიანებები. ასე რომ, დღევანდელი ჩემი ფიზიკური მდგომარეობა შესაძლებლობას მაძლევს ნებისმიერი რანგის ჩემპიონატებში მივიღო მონაწილეობა.
გიორგი, რა არის შენთვის მწვერვალი კარატეში?
– ჩემთვის მწვერვალი იქნება ოლიმპიადაზე ასპარეზობა, ვინაიდან მსოფლიო და ევროპის ჩემპიონატებზე არც თუ ცუდი შედეგები მაქვს.
ამერიკული ცხოვრება მოგწონს?
– ამერიკული ცხოვრების ტემპი ძალიან მომწონს _ მაღალი ტემპია და განვითარებისთვის ძალიან კარგი. აქ ცხოვრება ოცნებაა და ნებისმიერი ოცნების ასრულება შეუძლია ადამიანს, თუ იგი სწავლობს და შრომობს. საქართველოსა და ევროპაში ცხოვრების გამოცდილებამ მაჩვენა, რომ ამერიკული ცხოვრება სულ სხვა რამეა. აქ სპორტსმენისთვის საუკეთესო ადგილია, სადაც განვითარება ნამდვილად შეუძლია და უმაღლესი შედეგის ჩვენება. 
ამერიკამ ამ ეტაპისთვის ძალიან ბევრი რამ მომცა _ გამოცდილება, სხვანაირი დამოუკიდებლობა მასწავლა, თავისუფლება, საკუთარი ტავის რეალიზების საშუალება და მინდა ამისთვის ამერიკის სახელითა ვიბრძოლო და გამარჯვებული ვატარო ჩემი შესაძლებლობებიდან გამომდინარე.
გარდა პირადი სპორტული კარიერისა, რით ხარ კიდევ დაკავებული?
– ამჟამად მხოლოდ სპორტით ვარ დაკავებული. ეს პროფესია დიდ დროსა და ძალისხმევას მოითხოვს. ვემზადები მომავალი ჩემპიონატისათვის და, შესაბამისად, სხვა რამისთვის თავისუფალი დრო არ მრჩება.
საქართველოს კარატეს ეროვნული ნაკრებისთვის თუ იასპარეზებ კიდევ?
– რა თქმა უნდა, ვიასპარეზებ, ყოველთვის მზად ვარ თუ ამის საჭიროება იქნება!
რა ჩემპიონატები გაქვს აშშ-ში მოგებული?
– 2016 წელს ჩემთვის ყველაზე დიდი ტურნირი აღმოჩნდა Nეწ Yორკ Oპენ, სადაც გამარჯვება მოვიპოვე. მომიწია 5 ბრძოლა და ხუთივე კარგი შედეგით დავასრულე. ამ ეტაპზე კმაყოფილი ვარ ჩემი შედეგით, თუმცა მომავალში უფრო მეტი მინდა…
შენ სამშობლოში მოწვეული იყავი საქართველოს ეროვნულ ჩემპიონატზე, როგორც მთავარი მსაჯი და ეს უკვე სამი წელია გრძელდება. რას ნიშნავს ეს შენთვის?
– ჩემთვის ეს ძალიან დიდი პატივია და ამავე დროს უდიდესი პასუხისმგებლობა. თუმცა, ეს პირველი შემთხვევა არ გახლდათ, როცა მე მოწვეული ვიყავი მთავარ მსაჯად. ესეც უმაღლესი მიღწევაა ჩემთვის მსგავსი მიწვევა, _ ჩემს ასაკში ვიყო ეროვნული ჩემპიონატების მთავარი მსაჯი და შემფასებელი, რომელსაც ყველა ენდობა და საბოლოო გადაწყვეტილებას იღებს, უმნიშვნელოვანესია, ამავე დროს დიდი პატივისცემა და დაფასება. რაც სეეხება ამ სამი წლის მანძილზე ჩემს მოწვევებს, ეს მართლაც დიდი პატივია ჩემთვის. ყველაფერ ამის უკან ჩემი რეიტინგები და სპორტული მიღწევები დგას.
სპორტის გარდა რა გიტაცებს?
– მაინტერესებს მსოფლიო ისტორია. თავისუფალ დროს ვცდილობ თვითგანვითარებას.
სამომავლო გეგმები გაგვიმხილე…
– ჩემი სამომავლო გეგმები სპორტს – კარატეს უკავშირდება, ყველაფერს გავაკეთებ იმისათვის, რომ სპორტის ამ სახეობაში მაქსიმალურ შედეგს მივაღწიო და სხვებსაც შევუწყო ხელი განვითარებასა და კარიერაში.
ავტორი
ნუგზარ ჭიაბერაშვილი
