2 დღის წინ
ირაკლი ხმალაძე – ჭავჭავაძის გამზირზე მოძრაობის სქემა სისტემურად შეიცვალა და მასთან შეჩვევას გარკვეული დრო სჭირდება
4 დღის წინ
პრემიერის განცხადებით, რაჭაში სტიქიის შედეგების აღმოფხვრას შესაძლოა, 50 000 000 ლარამდე დასჭირდეს
4 დღის წინ
პრემიერის ინფორმაციით, რაჭაში 4 სოფელი 1 თვე იქნება გარესამყაროს მოწყვეტილი, მაგისტრალურ გზაზე სერიოზული ჩამონგრევებია, 4 ხიდი კი სრულად აღსადგენია
4 დღის წინ
ნათია თურნავა – „ანაკლიის კონსორციუმის“ და ერთ-ერთი მთავარი ინვესტორის საარბიტრაჟო დავას არანაირი სამართლებრივი პერსპექტივა არ გააჩნია
4 დღის წინ
პრემიერ-მინისტრი სოფელ ღარში სტიქიით მიყენებული ზიანის სალიკვიდაციო სამუშაოების მიმდინარეობას გაეცნო

სკოლის მიმართულებით რეფორმის პირველი ეტაპი ფაქტობრივად დავასრულეთ. შემოდგომიდან სკოლის რეფორმის მეორე ეტაპი დაიწყება, – ამის შესახებ განათლების, მეცნიერების, კულტურისა და სპორტის მინისტრის პოსტზე წარდგენილმა მიხეილ ბატიაშვილმა სამი კომიტეტის გაერთიანებულ სხდომაზე განაცხადა.

მიხეილ ბატიაშვილის განმარტებით, შემოდგომიდან სიახლეები პროფესიული განათლების მიმართულებითაც იქნება.

„სკოლის მიმართულებით რეფორმის პირველი ეტაპი ფაქტობრივად დავასრულეთ. შემოდგომიდან სკოლის რეფორმის მეორე ეტაპი დაიწყება. პროფესიული განათლება ერთ-ერთ მნიშვნელოვან გამოწვევად რჩება. შემოდგომაზე ამ მიმართულებითაც გვექნება ძალიან ბევრი სიახლე. ჩვენი მიზანი სამ ძირითად კომპონენტზე დგას, პირველი, ეს არის ხელმისაწვდომობა. 27 მუნიციპალიტეტში არის წარმოდგენილი ჩვენი პროფესიული სასწავლებლები, ჩვენ წელს ვამატებთ რვას, თუმცა, ეს საკმარისი არ არის, ძალიან ბევრი სამუშაო გვაქვს კიდევ, რომ ყველა მუნიციპალიტეტი იყოს მოცული. მეორე, ეს არის ეკონომიკიასთან ბმა და მითუმეტეს, როცა რეგიონებზეა საუბარი, ჩვენი ახალი პროფესიული სასწავლებლები, რაც იხსნება, ყველა პირდაპირ ბმაშია, იმიტომ რომ ჩვენ გვაქვს შემუშავებული ეკონომიკის სამინისტროსთან ერთად ის პროფესიული მახასიათებლები და რაოდენობრივი მაჩვენებლები, რომელიც მისაღწევია კვალიფიციკური კადრებით. მესამე, ეს არის კერძო სექტორთან თანამშრომლობა. აქაც რამდენიმე ერთობლივი პროექტი ხორციელდება. კერძო სექტორმა ყველაზე კარგად იცის რეალურად, როგორც სამუშაო ძალებზე მოთხოვნა, ასევე, რა სჭირდება სტუდენტებს, თუმცა, ამაში მთელი აკადემიური ნაწილის ჩართულობით“, – განაცხადა ბატიაშვილმა.

Please follow and like us: