უნგრეთის დედაქალაქ ბუდაპეშტში მიმდინარე მსოფლიოს 23-წლამდელთა ჩემპიონატზე თავისუფალი სტილით მოჭიდავეები მირზა სხულუხია (70 კგ) და ტარიელ გაფრინდაშვილი (79 კგ) ფინალში იაპარეზებენ.
სხულუხიამ ნახევარფინალში უკრაინელი სპორტსმენი 9:5 დაამარცხა, ხოლო გაფრინდაშვილმა ფინალში გასასვლელად თურქ მოჭიდავეს 10-6 სძლია.
კიდევ ორი ქართველი, ედემი ბოლქვაძე (65 კგ) და გივი მაჭარაშვილი (97 კგ) დამამშვიდებელი წრიდან გააგძელებენ ბრინჯაოს მედლებისათვის ბრძოლას.
ფინალები 21:00 საათზე დაიწყება.
დღესვე, 23-წლამდელთა პირველობაზე, წინასწარი და ნახევარფინალური ეტაპის შეხვედრებს კიდევ ხუთი ქართველი თავისუფალი სტილით მოჭიდავე გამართავს.
ჩვენი ქვეყნის სახელით იასპარეზებენ:
თეიმურაზ ვანიშვილი (61 კგ), გიორგი სულავა (74 კგ), ზაურ ბერაძე (86 კგ), დემურ მეგენეიშვილი (92 კგ) და ზურიკო ურთაშვილი (125 კგ).
დღეს ტურნირზე წინასწარი და ნახევარფინალური ეტაპის დაპირისპირებები თბილისის დროით 13:30 საათზე დაიწყება.
